commentariüs in epistolam pauli ad corinthios il - Archive ouverte ...

523 SERMONS 524
fois nous y voulons tousiours adiouster, et nous
voyons mesmes cela en la Papauté. Dont procède
une telle confusion, ou un tel labyrinthe que nous
voyons du service de Dieu et tant de façons diverses,
de tant d'abus et faussetez, sinon que les
hommes n'ont point acquiescé à ce que Dieu leur
avoit déclaré: mais qu'ils ont t'ait des additions, et
un meslinge confus de ce qui leur estoit venu au
cerveau? Les Papistes s'efforcent de servir à Dieu,
en quelle sorte? chacun aura sa devotion à part,
et puis il y aura un nombre infini de badinages:
on dira que l'Eglise a tout commandé: quoy qu'il
en soit, tout cela a esté controuvé par les hommes.
Et comment? Dieu ne s'estoit-il point advise de
ce qui luy estoit agréable? Il declare qu'en sa
Loy nous avons toute perfection, et qu'il ne veut
point qu'on tienne autre reigle. Et puis il adiouste
qu'il aime mieux obéissance que tous les sacrifices
du monde, il ne demande qu'à tenir les hommes
en bride à fin qu'ils ne présument point de rien
mesler de leur teste et de leur opinion. Dieu a-il
ainsi parlé? si est-ce qu'on luy veut faire accroire
que ceci et cela sera bon, et adiouste-on cent fois
plus qu'il n'avoit ordonné. Qui pis est, on mesprise
ce qu'il requiert, et ce qu'il demande estroitement
et on magnifie cependant des choses frivoles
et menus fatras, qui non seulement sont de nulle
estime et valeur envers luy: mais luy sont en abomination,
pour ce qu'il reprouve tout ce que les
hommes luy mettent ainsi au devant comme par
despit.
Or donc nous voyons en cela quelle convoitise
il y a eu de tout temps, et quelle outrecuidance
aussi, quand les hommes se sont ainsi ingérez pour
vouloir servir Dieu à leur appétit: mais c'estoit
bien pervertir toute l'Escriture saincte. Car voilà
Dieu qui prononce que le principal sacrifice qu'il
demande, c'est que nous ayons nostre refuge à luy,
que nous luy présentions et offrions nos requestes
comme il nous donne le moyen pour approcher
privément et en toute liberté: c'est que nous ayons
nostre Seigneur Jesus Ohrist pour advocat. Or les
hommes ont voulu qu'on priast les Saincts trespa8sez:
et puis que s'il est question d'obtenir grace
devant Dieu, qu'on les prenne pour patrons et advocats
qui intercèdent. Autant en est-il de tout le
reste de la doctrine. Dieu nous a commandé de
prier les uns pour les autres: or il faut prier pour
les poures âmes qui sont en purgatoire. Et qui a •
commandé tout cela? les hommes ont cuidé qu'il
le faloit ainsi, et selon leur cuider, il faut qu'il soit
fait. Voilà quel est leur témérité. Dieu nous a
ordonné les Sacremens: il veut que nous soyons
certifiez par ce moyen là en ses promesses, et que
ce nous soyent comme des signatures de superabondant,
à fin que nostre infirmité soit d'autant
soulagée. Nous avons le Baptesme par lequel Dieu
nous declare que nous sommes lavez et nettoyez
de toutes nos macules par le sang de son fils unique
qui a esté espandu : et puis qu'il nous reçoit comme
membres de son corps et noas introduit en son
Eglise. Or les Papistes ne se sont point contentez
de ce8te simplicité-là: mais ont voulu qu'il y
oust du crachat, qu'il y eust du luminaire, et tant
d'autres badinages que c'est un horreur. Et dont
viennent telles additions, sinon de ceste audace diabolique,
qu'après que Dieu a establi tout ce qui luy
estoit propre et utile, et là où il n'y avoit que redire,
qu'on ne l'a point voulu accepter? mais comme
i'ay dit, voilà comme la convoitise des hommes est
enflambee d'une telle rage qu'il faut qu'ils adioustent,
qu'ils meslent, qu'ils changent, qu'ils enveloppent,
qu'ils embrouillent, et il n'y a ne fin ne
mesure.
D'autant plus donc nous faut-il retenir ce que
Dieu nous monstre par sainct Paul, c'est à sçavoir
d'autant qu'il a authorise sa parole, il n'est point
licite aux hommes d'y adiouster rien: mais que
toute nostre sagesse est de nous accorder avec luy,
et recevoir sans aucune dispute tout ce qui procède
de sa bouche : et si cela est dit de la promesse qui
a esté donnée à Abraham, par plus forte raison
auiourd'huy nous devons bien garder ceste sobriété,
quand nous avons une instruction beaucoup plus
pleine en l'Evangile. Il est vray que la substance
de ce qui nous est auiourd'huy presche n'est point
diverse d'avec ce qu'Abraham a ouy de la bouche
de Dieu: mais quoy qu'il en soit, il y a une façon
d'enseigner beaucoup plus familière, d'autant que
nostre Seigneur Iesus Christ qui est le soleil de
iustice nous est apparu. Quand donc rien ne nous
est difficile si nous y voulons prester l'aureille, et
si nous sommes chatouillez de nos appetis pour
adiouster ceci et cela, ne voilà point un sacrilege
insuportable? Quoy qu'il en soit, apprenons de
nous tenir à ce que Dieu nous a enseigné, car
nous n'y pourrons procéder autrement sinon qu'avec
telle modestie: et si tost que nous serons déclinez
de ceste reigle là tant peu que ce soit, nous voilà
parmi les fillets de Satan prests à estre tracassez
de costé et d'autre en toute confusion. Mesmes
avisons à nous, d'autant que S. Paul dit ici que
la Loy n'a peu en rien deroguer à la promesse
qui avoit esté donnée auparavant: que sera-ce si
auiourd'huy nous voulons que ce que les hommes
ont forgé en leur folle teste derogue à la pureté
de l'Evangile, tellement qu'on ne sçache qui aura
la maistrise, ou Dieu ou les creatures? Voilà donc
qui nous doit bien tenir en bride, à fin que nous
ne passions point nos bornes, et que tousiours nostre
foy se reigle et se renge pleinement à la simple
parole de Dieu : et que nous relouions ce qui a esté