commentariüs in epistolam pauli ad corinthios il - Archive ouverte ...

517 ' SUR L'EPITRE AUX GALATES. 518
Mais il nous faut bien poiser les choses que
sainct Paul presuppose ici comme toutes certaines
et résolues: et alors nous verrons son argument
estre du tout infaillible. Abraham n'a pas eu seulement
un fils : mais il a eu Isaac apres Ismael.
Et son fils aine qu'est-il devenu? Il est retranché
de la maison, comme nous verrons tantost, c'est à
dire au chapitre suivant. Voilà donc Ismael qui a
le droit de primogeniture en la maison d'Abraham,
et toutesfois il en est aliéné comme du tout estrange,
et comme un membre pourri, ainsi qu'il est
dit, Reiette le fils de la chambrière: car il ne sera
point héritier en la maison. Apres il a eu d'autres
enfans. Or il leur a donné seulement à chacun
leur portion, et ont esté dechassez. Voilà Isaac
qui demeure luy seul. Voilà quant et quant Isaac
qui a deux enfans, voire gémeaux, et d'une ventrée.
Le premier nay Esau, qui devoit avoir l'authorité
est aussi bien reietté qu'il n'est point conté pour
le lignage d'Abraham, et n'est point participant de
la benediction qui a esté promise: il n'y a que Iacob
qui demeure: et mesmes le père combien que
par erreur et par ignorance il bénisse son fils Iacob,
declare qu'il n'est plus en luy de se retracter, ni
de changer ce qu'il a prononcé de sa bouche, d'autant
qu'il est organe du sainct Esprit. Si donc
nous prenions seulement la semence d'Abraham
pour ceux qui sont descendus de sa race, les Ismaélites
et Agareniens (qu'on appelle) et leurs semblables:
après les Idumeens seroyont de la maison
comme domestiques. Or l'héritage leur est osté et
ravi. Il faut donc considérer la semence d'Abraham
d'une façon speciale. Or suivons toute la procedure:
nous voyons que sans la foy il n'y auroit
nul lien pour unir l'Eglise, il n'y auroit nulle fermeté
pour sçavoir quelle est la semence d'Abraham,
et comment on la discernera d'avec tout le reste
du monde, sinon iusques à ce qu'on soit venu au
chef, c'est à sçavoir à nostre Seigneur Iesus Christ.
Voilà donc comme l'union du corps depend de ce
chef, à sçavoir du rédempteur.
Puis qu'ainsi est, non sans cause sainct Paul
dit qu'il n'a point esté parlé de plusieurs semences,
et qu'il nous faut venir à un homme, si nous voulons
avoir le peuple spirituel: c'est à dire si nous
voulons avoir l'Eglise de Dieu, il faut que nous
commencions par ce bout-là, c'est à sçavoir que
nostre Seigneur Iesus Christ vienne en avant, et
que tous soyent recueillis sous luy et que ceux qui
sont de son corps, et qui adherent à luy par la foy,
que ceux-là soyent reputez enfanB de Dieu, qu'ils
soyent ses domestiques, qu'ils soyent vrayement la
semence d'Abraham, comme il en dispute plus au
long en l'Epistre aux Rom. 9 b. 6 où il dit que
tous ceux qui sont descendus d'Israël selon la chair
ne sont pas Israelites pourtant. Et pourquoy? car I
il n'y a qu'un seul enfant de promesse, c'est à sçavoir
Isaac. Ainsi donc il noua faut venir à nostre
Seigneur Iesus Christ, où toutes les promesses de
Dieu sont ouy et amen, et là où elles ont leur fermeté.
Sans cela donc il n'y a que dissipation. Et
voilà pourquoy il est dit au premier chapitre des
Colo8siens c. 20 que l'office de nostre Seigneur
Iesus Christ est de recueillir tout ce qui estoit dissipé
tant au ciel qu'en la terre, et que sans luy il
n'y auroit que confusion par tout. Or maintenant
nous voyons beaucoup plus clairement l'intention
de sainct Paul, c'est que devant que la Loy fust
publiée au monde, à laquelle ceste condition a esté
mise et apposée, qu'il nous faloit accomplir tout ce
qui estoit contenu là dedans, desia Dieu avoit rendu
tesmoignage de sa bonne volonté: c'est que voyant
le genre humain damné et perdu, il vouloit retirer
à soy les eleus, et leur vouloir estre propice. Or
cela n'a pas esté seulement pour un lignage: mais
pour toutes nations diverses, comme l'Escriture l'exprime.
Et puis il y a aussi ce fondement, c'est à
sçavoir en nostre Seigneur Iesus Christ.
D'autant donc que desia du temps d'Abraham
nostre Seigneur Iesus Christ a esté ordonné médiateur,
à fin que Dieu fust appaisé envers nous par
son moyen, et quand nous venons en son nom
requérir grace qu'elle nous soit apprestee, et que
nous ne soyons point frustrez de nostre attente:
puis que cela a esté ainsi establi, il n'y a nul
changement, et faut que nous soyons asseurez
qu'auiourd'huy Dieu nous a agréables, moyennant
que nous soyons pleinement arrestez à nostre Seigneur
Iesus Christ, sçachant que ce n'a pas esté
une paction incertaine que celle qui a esté ainsi
ratifiée en son nom : mais qu'elle sera permanente
et qu'elle aura tousiours sa vigueur. Voilà donc
comment nous pouvons venir franchement devant
Dieu, et l'invoquer comme nostre père, d'autant
qu'il nous a adoptez pour ses enfans, et qu'il ne
l'a pas fait ayant égard à aucune dignité qui fust
en nous: mais par sa pure miséricorde, et d'autant
que nous sommes unis par foy à nostre Seigneur
Iesus Christ.
Or cependant comme il nous faut renoncer à
toute opinion et fantasie de nos mérites pour
obtenir grace de Dieu et pour estre asseurez de
nostre salut: aussi regardons bien ce qui nous est
ici déclaré, c'est que nous ne pouvons estre participans
d'un tel bien que par foy. Or la foy
(comme desia nous avons dit) emporte que nous
embrassions la miséricorde de Dieu: ce qui ne se
peut faire que nous ne soyons touchez à bon escient
de nos pouretez: car ce n'est pas aussi sans
cause que nostre Seigneur Iesus Christ comme en
un miroir nous présente nostre malediction, quand
I il a voulu estre maudit pour nous. La foy done
33*