commentariüs in epistolam pauli ad corinthios il - Archive ouverte ...

•
513 SUR L'EPITRE AUX GALATES. 514
prit est parvenue iusques aux Gentils, comme elle
avoit esté donnée à Abraham. Or en nommant ici
Abraham, il declare que la promesse appartenoit
en premier lieu et degré à ceux qui sont descendus
de sa race. Car les Iuifs ont eu l'héritage de
salut comme propre, iusques à ce que Dieu ait
ouvert la porte à tout le monde, et qu'il ait publié
son Evangile, à fin que tous fussent faits participans
de ceste redemption qui avoit esté acquise
par nostre Seigneur Iesus Christ. Or donc, combien
que ceste promesse appartint aux Iuifs, et
qu'elle leur fust comme speciale, si est-ce qu'en
second lieu elle a esté faite commune à tout le
monde. Et pourquoy? car elle gist en l'esprit et
non pas en ceremonies. Sainct Paul sous ce mot
d'Esprit a voulu anéantir toute ceste fausse opinion
qu'avoyent les séducteurs qui mesloyent la Loy
avec l'Evangile. Il monstre que maintenant tout
cela est superflu: c'est à sçavoir les sacrifices, la
Circoncision et tout le reste: non pas qu'en lisant
ce qui est contenu en la Loy, nous n'ayons à
recueillir profit de toutes les ceremonies: mais
l'usage en est aboli. Voilà donc comme la promesse
est auiourd'huy nommée spirituelle, c'est à
dire qu'il n'y a plus de nécessité d'avoir ces ombrages
et figures anciennes: mais que simplement
nous sommes appelez et conviez de nostre Dieu :
nous le pouvons reclamer en pleine confiance, et
qu'estans ainsi adoptez de luy, nous soyons appuyez
du tout en nostre Seigneur Iesus Christ, comme
c'est le seul fondement de l'Evangile, et que nous
cerchions en luy tout ce qui nous défaut. Voilà
en somme ce que sainct Paul a voulu dire en ce
passage.
Or là dessus il use d'un autre argument pour
monstrer qu'auiourd'huy nous avons une parfaite
revelation de salut en l'Evangile, et qu'il ne nous
faut point d'autre doctrine que celle-là, et que
nous sommes aussi iustifiez par la miséricorde
gratuite de nostre Dieu. Car la Loy, dit-il, a esté
donnée quatre cens et trente ans après la promesse
gratuite de salut. Or une paction encores qu'elle
soit faite entre les hommes, quand elle sera bien
authentique, doit tenir. Il s'ensuit donc que la
Loy n'a pas esté donnée pour retracter ce que Dieu
avoit contracté avec Abraham, voire au nom de
tout son lignage, et finalement de tout le monde.
Il est vray que de prime face on pourroit trouver
ce8t argument de sainct Paul debile, car nous sçavons
que les contracts seconds deroguent aux premiers.
Encores que les hommes ayent fait quelque
paction, ils pourront se raviser et là dessus ils changeront
de volonté, et le premier contract sera comme
enseveli. Autant en est-il mesme des loix et des
statuts: car une Loy premiere pourra bien estre
cassée et annullee quand on en fera une seconde,
Calvini opera. Vol. L.
mais S. Paul a présupposé ce qui est en ceste matière
à considérer, c'est à sçavoir qu'un homme
ayant promis, voire et s'estant obligé solennellement
ne se retractera pas, et cela demeurera ferme.
Or maintenant si deux parties s'accordent à changer
ce qu'ils avoyent résolu ensemble, et qu'ils ayent
une volonté mutuelle, cela pourra advenir: mais
ceste similitude ne seroit point propre, si on prend
les hommes ainsi changeans de propos par legiereté,
ou bien quand ils se ravisent: mais S. Paul
presuppose qu'il y ait une paction faite d'un homme,
laquelle tiendra, et qu'on ne dispute point puis
après pour y contrevenir en quelque manière que
ce soit. Que si l'une des parties derogue à la premiere
paction, voilà une fausseté qui ne sera point
supportable entre les hommes, d'autant qu'il faut
qu'il y ait tenue et fermeté sans contradiction aucune,
en ce qui est ainsi enregistré solennellement:
Or maintenant y aura-il moins de constance en
Dieu qu'en ceux qui ne sont que vanité? Il faut
bien donc que l'Evangile demeure seul, puis que
la Loy est survenue depuis la promesse gratuite.
Ceci seroit encores obscur s'il n'estoit déclaré
par le menu. Nous avons desia traitté ci dessus
quelle est la comparaison que sainct Paul faisoit
entre la Loy et l'Evangile. Car quand Dieu promet
salut en sa Loy, c'est moyennant qu'on le
serve et qu'on s'acquitte envers luy. Or cela ne
se fait point: nous voilà donc forclos de toute espérance
de salut, quant à la Loy, non pas que Dieu
ne soit fidèle de son costé: mais nous ne luy apportons
pas ce qu'il demande. C'est comme si un
homme dieoit, le suis prest de vous vendre moyennant
que i'aye argent. Or celuy qui n'apportera
maille ne denier ne pourra pas se mettre en possession,
car c'est à ceste condition que le payement
marche en premier lieu. Ainsi donc Dieu nous
promet bien l'héritage de salut, quand nous l'aurons
servi: mais cela nous est inutile, d'autant que ce
n'est sinon en luy apportant ce qu'il demande.
Or nous sommes chargez de toute iniquité, nous
n'avons en nous que souillure et infection, tellement
qu'à bon droict nous luy sommes détestables.
Ainsi nous voilà tous condamnez en la Loy: mais
Dieu nous reçoit par sa bonté gratuite en nostre
Seigneur Iesus Christ, quand il nous offre la remission
de nos péchez, et qu'il veut que tellement
nous embrassions sa bonté qui nous est offerte, que
noua nous tenions du tout à nostre Seigneur Iesus
Christ, renonçans à nous mesmes.
Or maintenant, regardons (dit sainct Paul) lequel
a precede en ancienneté, ou la promesse gratuite
de salut, ou la Loy. Nous sçavons la diversité
qui est entre les deux. Si donc la Loy estoit
plus ancienne, il semblerait qu'elle deust tenir, d'autant
que Dieu ne se retracte iamais, il n'est point
33