commentariüs in epistolam pauli ad corinthios il - Archive ouverte ...

511 SERMONS 512
vestu nostre nature, et s'est fait homme passible:
mais il s'est assubietti à une mort pleine d'opprobres,
voire maudite devant Dieu, et non seulement
à l'opinion des hommes. Il faut bien donc que
nous luy ayons esté bien chers, quand il s'est exposé
pour nostre redemption à une telle extrémité.
Si nous pouvions gouster que cela veut dire, il est
certain que du tout nous serions arrestez à magnifier
la grace laquelle ne se peut assez exprimer de
bouche, et surmonte toute sagesse humaine. D'autant
donc que nous ne le comprenons pas, et n'en
sçaurions declarer la centième partie, encores sommes
nous comme estonnez en considérant ce que nous
en pouvons comprendre.
Mais nous voyons encores ici la malice et la
perversité des hommes, quand sainct Paul declare
que nostre Seigneur Iesus Christ a esté fait malediction
pour nous, cela passe et s'escoule. Et mesmes
il y en a de si vilains qu'ils prendront occasion
de scandale pour se desbaucher et s'aliéner
du tout de l'Evangile, quand ceste façon de nous
racheter leur est proposée. Et quoy (diront-ils) et
faloit-il que le fils de Dieu qui est la fontaine de tout
bien, et qui nous devoit tous sanctifier, fust maudit?
Et leur semble que Dieu ait ici voulu pervertir tout
ordre et toute raison. Or il est certain (comme desia
nous avons déclaré) que Dieu a condamné l'ingratitude
des hommes, les amenant à une telle espèce
de folie, d'autant qu'en sagesse ils n'estoyent point
parvenus à luy, comme il leur en avoit monstre le
chemin. Mais quoy qu'il en soit, si faut-il que nos
sens deffaillent, et que nostre raison soit du tout
confuse, que nous adorions les secretB de Dieu
encores qu'ils nous soyent cachez, et que nous les
trouvions estranges. Et cependant il nous faloit
plustost entrer en examen de nos péchez, quand il
est dit que le fils de Dieu a esté fait malediction
pour nous. Or en cela voyons nous combien nous
sommes détestables devant Dieu, iusques à ce que
nos fautes et iniquitez soyent effacées par le sang
de nostre Seigneur Iesus Christ. Quand tous les
anges de paradis eussent respondu pour nous, cela
n'estoit pas un prix suffisant. Il n'y a eu donc
autre satisfaction qu'en la personne de nostre Seigneur
Iesus Christ. Or il n'est point venu en ce
monde pour nous acquitter de l'obligation de mort
éternelle en laquelle nous estions par sa vertu
divine et celeste. Comment donc? En infirmité:
et non seulement cela, mais il a falu qu'il ait esté
réputé maudit ou autrement nous demeurions
accablez sous le fardeau, et faloit que nous périssions
tous en ceste abysme. Quand donc nous
voyons que le fils de Dieu qui non seulement est
l'Agneau sans macule, qui est le miroir de toute
iustice, sainctelé et perfection, mais qui en est la
fontaine, que celui-là soit tenu maudit pour nous:
quand nous voyons cela ne devons nous point concevoir
un horreur de nos péchez pour estre comme
engloutis en desespoir, iusques à ce que nous en
soyons retirez par la grace et bonté infinie de
nostre Dieu?
Ainsi donc notons bien, quand il nous est dit
que nous avons esté rachetez de la malediction de
la Loy, que Dieu nous veut ici amener à une
droite humilité. Or ceste humilité-ià ne peut estre,
sinon que les hommes soyent du tout confus en
eux, qu'ils ayent honte de se regarder, qu'ils soyent
effrayez quant et quant et esperduz, cognoissans
que l'ire de Dieu leur est apprestee, iusques à
ce que le remède leur soit apporté par nostre
Seigneur Iesus Christ. Voilà donc toute nostre vie
qui est detestable devant Dieu, et n'y a moyen de
nous appointer avec luy, iusques à ce que nostre
Seigneur Iesus Christ reçoive la malediction qui
estoit en nous et qu'il la soustienne en sa personne.
Et ainsi toutesfois et quantes que nous lisons ce
passage, qu'un chacun se resveille, et qu'il se
présente comme devant le siege iudicial de Dieu,
que nous sentions qu'il y a là comme un abysme
pour nous engloutir tant que nous sommes, et que
nous soyons là esperdus, ayans conceu une telle
honte. Que nous magnifions tant plus la grace
qui nous a esté acquise en la personne du fils de
Dieu, et que nous gardions bien d'amoindrir sa
dignité, quand il est nommé malediction: mais que
cela soit pour nous inciter d'avantage à luy rendre
la louange qui luy est deuë, et qu'il mérite quand
il a monstre que nostre salut luy estoit si cher.
Et au reste que nous facions valoir un tel gage
de nostre salut, et de l'amour que Dieu nous porte,
à fin que nous ne doutions point que Dieu ne
nous ait agréables quand nous viendrons à luy,
puis qu'il nous a si chèrement rachetez comme
aussi sainct Pierre le monstre en sa premiere Canonique,
qu'jl n'y a eu ni or, ni argent, ni choses
corruptibles: mais, c'a esté nostre Seigneur Iesus
Christ qui a respondu pour nostre rançon. Ne
doutons point donc que toutesfois et quantes que
nous viendrons en son nom pour obtenir miséricorde,
qu'elle ne nous soit apprestee: car si nous
y venions avec quelque opinion de mérites: quelle
valeur y auroit-il en cela ? Mais quand nous sçavons
combien le fils est aimé du Père, et combien sa
mort a esté précieuse, voilà en quoy nous avons
pleine certitude que tousiours nous serons exaucez
de Dieu, et que nous le trouverons propice et
favorable envers nous, voire estans du tout arrestez
à ce qui nous est ici monstre: c'est que nostre
Seigneur Iesus Christ ne s'est point espargné iusques
à se faire malediction.
Cependant notons bien ce que sainct Paul
adiouste, c'est que par ce moyen la promesse de VEs-