commentariüs in epistolam pauli ad corinthios il - Archive ouverte ...

509 SUR L'EPITRE AUX GALATES. 510
GALATES. Chap. Ill v. 13—14.
DIXNEUVIEME SERMON.
Nous avons desia veu que si nous n'espérions
d'estre sauvez sinon à ceste condition qu'un chacun
de nous se fust acquitté de son devoir, nous serions
tous maudits, d'autant que nous sommes coulpables
devant Dieu d'avoir deffailli et transgressé en plusieurs
sortes. Car les plus saincts n'auront iamais
telle perfection que tousiours ils ne clochent et qu'il
n'y ait beaucoup d'infirmitez en eux. Il faut donc
conclurre cependant que Dieu nous appellera à
conte que nous sommes tous damnez et perdus.
Voilà quelle est la condition des hommes, combien
qu'ils se prisent tant et plus. Or maintenant si
faut-il que nous ayons quelque moyen pour eschapper
de ceste malediction. Or de quoy nous profitera-il
d'avoir journellement les aureilles battues de la parole
de Dieu? Car sa volonté ne sera sinon pour
tousiours nous plonger plus profond en la mort
éternelle. Ainsi donc que la parole de Dieu nous
soit utile et nous profite à salut, nous avons à sortir
de ceste sentence de condamnation qui est donnée
et publiée sur tout le genre humain.
Or 8ainct Paul nous declare ici le moyen, que
Christ nous en a rachetez, voire estant fait pour nous
malediction. Il monstre que ce n'est point en vain
que nostre Seigneur Iesus Christ a esté pendu au
bois: car il faloit qu'il soustint la malediction de
ceux lesquels il devoit appeler à salut. Nous voilà
tous maudits (comme desia nous avons déclaré). Il
faloit donc que nostre Seigneur receust en sa personne
ce qui nous appartenoit. Or il avoit esté
escrit en la Loy de Moyse, Maudit sera céluy qui
pendra au bois. Quand nostre Seigneur commande
que les corps soyent ostez, il adiouste que c'est une
chose detestable que de veoir une creature humaine
ainsi deffiguree, qu'on oste cela (dit-il). Or quand
Dieu a prononcé ceste sentence, que celui qui sera
pendu au bois sera comme maudit et execrable, il
sçavoit bien ce qu'il avoit déterminé quant à son
fils unique. Car nostre Seigneur Iesus Christ n'a
pas souffert une telle espèce de mort par cas fortuit,
ni à l'appétit des hommes. Il est vray que les
incrédules l'ont crucifié: mais ilestoit ainsi ordonné
par le conseil de Dieu, comme il est dit que Dieu
a tant aimé le monde, qu'il n'a point espargné son
fils unique, mais l'a livré à la mort pour nous. Et
defaict, si seulement Iudas eust trahi nostre Seigneur
Iesus Christ, et que par violence il eust esté
ravi à une telle mort, cela ne pourroit pas estre
le fondement de nostre salut. Il nous faut noter
que Dieu l'avoit ainsi establi: comme aussi sainot
Pierre en traitte plus à plein au 4. chapitre des
Actes, d. 23, là où il dit que nostre Seigneur Iesus
a esté tellement crucifié par les iniques qu'ils n'ont
rien attenté, sinon ce que Dieu avoit auparavant
establi en son conseil. Or donc quand il est dit
que nostre Seigneur Iesus Christ a esté crucifié, il
nous faut venir là, que le tout s'est fait pour nostre
salut, d'autant que Dieu par ce moyen nous a voulu
reconcilier à soy. Or quand Dieu a prononcé ceste
sentence, Maudit sera celui qui pendra au bois, qu'il
a voulu qu'elle fust enregistrée en la Loy de
Moyse, il n'estoit pas ignorant de ce qui devoit
advenir: car desia il estoit conclud et ordonné. Il
faut donc accorder ces deux choses, c'est à sçavoir
quand Dieu a prononcé de sa bouche que quiconques
seroit pendu au bois seroit detestable, que
toutesfois quant et quant il a voulu, que son fils
fust pendu au bois. Et comment cela? à fin qu'il
portast nostre fardeau, comme il a esté nostre
pleige, et s'est constitué principal deteur en nostre
nom. Afin donc que nous fussions délivrez de la
malediction de la Loy, Iesus Christ a esté maudit.
Or de prime face ceci sembleroit dur et estrange
que le Seigneur de gloire, celui qui a tout
empire souverain, devant la maiesté duquel les
anges mesmes de paradis tremblent et s'esbahissent,
que celui-là ait esté assubiecti à malediction. Mais
il nous faut revenir à ce que sainct Paul a traitté
en la premiere des Corinthiens, que la doctrine de
l'Evangile est comme folie au genre humain, voire
aux plus sages: mais que Dieu nous a ainsi voulu
humilier à cause de nostre ingratitude. Car nous
avions une bonne instruction pour nous mener à
Dieu, voire en sagesse, si nous eussions fait nostre
profit de tout ce que nous monstroit en tout l'ordre
du ciel et de la terre : mais pour ce que les hommes
sont aveugles et ferment les yeux à ceste sagesse
que Dieu leur met en avant, voilà pourquoy il faut
qu'il use d'une façon nouvelle, et qu'il les attire à
soy comme par folie. Ainsi ne iugeons point selon
nostre sens naturel de ce qui nous est ici déclaré,
c'est à sçavoir que le fils de Dieu a esté assubietti à
malediction: mais plustost que nous soyons ravis
en un tel secret, pour donner gloire à nostre Dieu,
veu qu'il a tellement aimé le salut de nos âmes,
qu'il l'a voulu racheter d'un prix inestimable. Et
tant s'en faut que cela derogue à la maiesté de
nostre Seigneur Iesus Christ, ou obscurcisse ce qui
luy est attribué en l'Escriture saincte, que plustost
nous avons occasion de le glorifier d'avantage. Et
que ainsi soit, voilà nostre Seigneur Iesus Christ
qui n'eust point fait rapine (comme dit S. Paul)
quand il se fust déclaré en sa gloire infinie. Or il
s'est anéanti de son bon gré, et non seulement il a