commentariüs in epistolam pauli ad corinthios il - Archive ouverte ...

501 SUR L'EPITRB AUX GALATES. 502
cevoir quelque chose que nous luy apportions, qu'il
nous donne en payement ce qui n'estoit pas à nous,
à sçavoir l'obéissance de nostre Seigneur Iesus Christ,
et nous délivrant de la condamnation en laquelle
nous estions plongez, c'est à sçavoir en abolissant
toutes nos offenses et iniquitez. Autant en est-il
dit en l'autre passage, où sainct Paul dispute trèsbien
de la doctrine que nous avons ici: car il propose
aussi bien la iustice de la Loy. Et c'est merveilles
comme les Papistes ont esté si hebetez, et
sont encores auiourd'huy, qui ne pensent point à.
une telle admonition et si claire, comme elle est
faite par sainct Paul. Car tousiours ils ont cela en
la bouche. Et comment? Ce sera un abus de tout
ce que Dieu a prononcé du salaire qu'il rendra aux
bonnes oeuvres. Et puis qu'ainsi est qu'il a déclaré
tant de fois que nous serons recompensez, et ne
faut-il pas qu'il s'acquitte? Car autrement on l'accuseroit
de mensonge. Or sainct Paul met tousiours
cela en avant, Mes amis, si nous cuidons
estre agréables à Dieu selon que nous l'aurons
desservi, regardons la promesse qui nous est donnée.
Car s'il y a quelque débat entre les hommes
ou de quelque vendition ou achapt, ou de quelque
autre chose semblable, on dira, l'instrument y est,
qu'on le voye, ie m'en rapporte à ce qui est là
contenu. Quand on lira l'instrument: les causes
seront notées, on dira, la possession est tienne, mais
c'est à tel si as-tu payé? Si tu n'as payé, ce n'est
rien. Voilà donc comme il nous faut venir à l'instrument
principal et authentique que Dieu a fait
entre luy et nous, quand il est question de l'héritage
de salut. Or nous avons l'instrument de la
Loy: ainsi donc quand les hommes voudront estre
salariez selon leur service, ils trouveront qu'ils sont
bannis plustost de la vie éternelle que d'en approcher.
Dieu leur dit bien que s'ils s'acquittent de
tout ce qu'il leur commande, que voilà l'héritage
de salut qui leur est appresté.
Or il reste maintenant de voir si quelqu'un en
peut venir à bout. Nous avons monstre que nul
ne le fera: nous voilà donc forclos tant que nous
sommes. Les Papistes ne regardent point à cela:
mais quand ils ont ouy ce mot, Qui fera ces choses,
il vivra en icelles, il leur semble qu'il n'est plus
question que de faire: c'est assez que Dieu parle.
Or Dieu parle mais il requiert que nous facions:
comme aussi ils prendront ce passage de sainct
Paul où il est dit, Non pas celuy qui escoute la
Loy sera iustifié, mais celuy qui l'observé. Les
Papistes allèguent cela, mais c'est pour leur crever
les yeux: car sainct Paul argue que nous ne pouvons
pas estre iustifiez sinon ayans accompli tout
ce qui nous est commandé. Les Iuifs se glorifioyent
en la Loy qui leur estoit donnée: comment? nous
avons la Loy par laquelle il nous est dit que nous
sommes le peuple de Dieu: voire mais c'est à condition.
Et où est ceste condition? se trouvera-elle
en vous? nenni. Or est-il ainsi qu'en escoutant
la Loy (dit sainct Paul), nous n'acquérons pas iustice
: car ce seroit une chose trop frivole que nous
venions au temple pour ouir ce qui nous est déclaré,
et puis qu'un chacun s'en retournast pour
faire selon son appétit. Mais il nous faut observer
ce que Dieu nous commande: nul ne l'observe:
nous voilà donc tous damnez (dit-il). Et les Papistes
ne regardent point ceste deduction: mais ils
prennent seulement ce mot rompu, Ceux qui observent
la Loy seront iustifiez: ouy bien s'il y en
avoit, mais où sont-ils? Aussi en l'Epistre aux
Romains, puis après il declare que ce n'est rien
que Dieu nous ait promis la vie éternelle, à telle
condition qu'un chacun de nous accomplisse la Loy:
car nous n'en viendrons iamais à bout: mesmes il
est certain que de nature nous sommes du tout
contraires à sa iustice: et puis nous a-il régénérez
par son sainct Esprit, nous luy sommes d'autant
attenus : nous avons desia receu de luy tout ce que
nous avons de bien: et il ne couronnera que ses
dons en nous. Sont-ce mérites que cela? mais encores
il faut venir plus outre, c'est qu'encores que
nostre Seigneur vueille couronner nos oeuvres, quand
elles sont bonnes, neantmoins ce n'est qu'en partie,
et il y trouvera tousiours matière de damnation.
Ainsi donc non seulement nous sommes desnuez
de toute confiance de iustice, d'autant que nos
oeuvres n'ont point une dignité suffisante envers
Dieu: mais pour ce qu'elles sont du tout à reprouver,
quand il seroit question d'entrer en conte, et
que Dieu en voulust iuger selon ceste sentence,
Qui fera ces choses, il vivra en icelles. C'est autant
comme s'il disoit, Vous estes tous morts, damnez
et perdus. Et pourquoy? Car nul n'a fait les
choses que i'ay demandées de luy: et toutesfois
vous me les devez. Et voilà pourquoy i'ay dit qu'il
vous faut venir au second remède, c'est à sçavoir
que nous vivions de foy. Et sainct Paul en ce
passage que i'ay allégué n'agueres, au lieu d'amener
ce passage d'Abacuc qu'il avoit proposé au premier
chap. b. 17 dit que la iustice de la foy a bien
son tesmoignage de la Loy. Car la iustice de la
Loy, c'est à dire ceste reigle que Dieu nous baille
en sa Loy pour nous iustifier, c'est que nous accomplissions
et observions tous ses commandemens.
Or la iustice de la foy parle bien un autre langage:
car elle dit qu'il n'est point question que les hommes
cerchent en eux pour approuver leur vie à Dieu,
et pour en recevoir salaire ou couronne: mais il
faut qu'ils s'arrestent du tout à sa parole, qu'elle
soit en leur coeur et en leur bouche. Car qui croira
de coeur que nostre Seigneur Iesus Christ est mort,
et confessera de bouche qu'il est ressuscité, voili
32*