commentariüs in epistolam pauli ad corinthios il - Archive ouverte ...

489 SUR L'EPITRE AUX GALATES. 490
l'a ainsi tenu en bride pour l'humilier comme tous
fidèles. Ainsi Abraham n'a peu rien apporter
comme de soy: car tout ce qu'il ayoit de bien il
le tenoit de Dieu et de sa bonté gratuite. Et puis
cela n'estoit pas suffisant encores pour le sauver:
car de nature il estoit damné et perdu, comme
toute la lignée d'Adam. Il a donc falu que Dieu
le receust en luy pardonnant ses fautes, et qu'il le
regardast simplement en la foy.
Or notons aussi quand Dieu nous iustifie, que
c'est par i'oy: c'est à dire par sa bonté gratuite et
pure: et qu'alors il faut que nous acquiescions à
sa promesse, en vertu de laquelle il nous
approuve et accepte, voire et nos oeuvres quant et
quant: non pas entant qu'elles procèdent de nous:
mais d'autant que nous les faisons par la grace de
son S. Esprit, il les approuve et les alloue comme
iustes, voire iusques à les rémunérer, comme toute
l'Escriture en est pleine. Mais tout cela aussi
procède de la foy. Car quand nous sommes
Justifiez de Dieu: c'est à dire reputez iustes, nos
oeuvres sont aussi iustifiees: c'est à dire Dieu les
repute pour iustes encores qu'il n'y ait aucune
dignité, qu'il n'y ait rien pourquoy il les doive
recevoir. Tout ainsi donc que par la pure bonté
et gratuite de Dieu nous sommes iustifiez quand
nous recevons ses promesses par foy, ainsi sont
iustifiees nos oeuvres par un mesme moyen. Et
voilà comme Abraham en sa personne a esté
iustifie: et puis ses oeuvres aussi bien ont esté
iustifiees devant Dieu. Mais quoy qu'il en soit,
si on regarde la cause et la source de tout, il faut
conclurre, qu'il n'y a que la seule foy qui soit
venue en conte. Car si Dieu eust voulu examiner
la vie d'Abraham, il estoit condamné, comme toutes
creatures mortelles: mais il l'a voulu recevoir
comme sien, et n'a point esté induit ni esmeu à
cela, sinon par sa pure miséricorde. Abraham
aussi a eu les yeux fermez à toutes vaines confiances
auxquelles les hommes s'abusent: il a
cognu qu'il n'y avoit que la seule miséricorde de
Dieu, qui luy fust suffisante pour l'amener à la
vie. Bref comme Abraham n'a regardé sinon à
la pure miséricorde de Dieu, aussi Dieu n'a regardé
sinon à la pure foy d'Abraham: voilà comme
il a esté justifié.
Ainsi donc renonçons à tout ce que les hommes
imaginent pour se faire agréables à Dieu, quand
ils meslent parmi la foy et ceci et cela: car ce
ne sont que toutes faussetez et illusions de Satan:
mais que la foy ait un tel fondement, c'est à
sçavoir qu'en toute humilité, nous cognoissions que
nous sommes iustes quand Dieu nous a pardonné
nos péchez: et que par ce moyen là nos oeuvres
sont réputées iustes et bonnes, d'autant que Dieu
ne les veut pas examiner à la rigueur, mais qu'il
les accepte par sa bonté paternelle. Voilà donc
ce que nous avons à retenir de ce passage. Or
que la benediction d'Abraham nous appartienne
et s'adresse à nous, il appert par ce que i'ay desia
touché et que sainct Faul aussi allègue, Que toutes
nations devoyent estre bénites en Abraham. Il reste
maintenant de voir l'argument que sainct Paul
adiousto à l'opposite: car les hommes iamais de
leur bon gré ne pourrons quitter l'opinion qu'ils
ont de leur iustice propre, sinon qu'ils y soyent
contraints et forcez. Car combien que nous soyons
confits en tant de vices que c'est un horreur,
toutesfois le pire, et celuy qui est le plus enraciné
en nostre nature, c'est l'orgueil et présomption,
quand nous cuidons et voulons estre quelque
chose en nous, combien que Dieu declare que nous
ne sommes rien, qu'il n'y a que toute vilenie,
puantise et infection: que tout ce que nous imaginons
de vertu n'est que vanité et mensonge:
toutesfois si est-ce qu'il ne peut venir à bout de
nous humilier, iusqu'à ce que nous appercevions
nostre nécessité, et que nous en soyons convaincus.
Voilà pourquoy il nous faut bien noter la
raison que sainct Paul adiouste ici pour nous
attirer à la pure foy, et nous divertir de toutes
vaines confiances que nous pourrions avoir de nos
mérites. Tous ceux (dit-il) qui sont de la Loy, sont
maudits: car il est escrit, Maudit sera celuy qui
ne persistera en toutes les choses qui sont escriies et
contenues en ce livre, pour les faire. Quand sainct
Paul dit que tous ceux qui sont de la Loy sont
maudits, il entend que cependant que les hommes
s'arrestent et s'amusent à leurs oeuvres, et qu'ils
cuident par ce moyen pouvoir obtenir grace devant
Dieu, qu'ils sont "maudits. Car (comme nous avons
déclaré ci-dessus) que celuy qui se quitte et
renonce à tout ce qu'il a, et qui se fonde sur la
seule miséricorde de Dieu, que celuy-là est de la
foy: ainsi au contraire, celuy qui pense apporter
quelque service à Dieu pour l'obliger, celuy qui
cuide le recompenser pour ses mérites, celuy - là
est de la Loy. Or sainct Paul dit que tous ceux
là sont maudits. Pourquoy? Il allègue la sentence
de Moyse, Maudit sera celuy qui ne parfera pas
tout ce qui est escrit ici. Il estoit dit en premier
lieu, Maudit sera celuy qui servira aux dieux
estranges: maudit sera celuy qui blasphémera
contre Dieu: maudit sera celuy qui violera le
iour du repos: maudit sera celuy qui sera rebelle
à père et mere: maudit sera celuy qui abusera
de la femme d'autruy. Apres que toutes ces maledictions
là estoyent récitées, et après ce récit
solennel, il faloit que le peuple respondist amen,
amen: comme si on passoit un contract, et que
Dieu d'un costé stipulast, disant, le demande que
vous me serviez en telle sorte, voire sans qu'il y