commentariüs in epistolam pauli ad corinthios il - Archive ouverte ...

487 SERMONS 488
pas qu'un homme face beaucoup quand il se tient
aux promesses de Dieu, et qu'il s'y repose. On
dira, et bien, celuy là est un poure pécheur, il
cognoit qu'il a besoin de fait d'estre secouru par
la bonté de Dieu, et voilà pourquoy il s'y arreste.
Mais un homme qui a belle apparence de vie, et
qui sera magnifié par tout, celuy-là sera réputé
beaucoup plus iuste. Comme pour exemple, si un
homme est liberal, et qu'il eslargisse beaucoup de
ses biens, et qu'aussi il se montre liberal en toutes
autres parties de sa vie, celuy-là sera estimé plus
excellent que l'homme fidèle. Et puis ils allèguent
aussi bien ce que dit sainct Paul en l'autre passage
que la charité est pardessus la foy et l'espérance.
Ôuy bien: mais il n'est pas ici question de sçavoir
quelle est la plus grande vertu, ou la plus haute,
ou la plus noble. Quand nous disons que nous
sommes Justifiez par foy, ce n'est pas qu'il y ait
aucune dignité ni mérite en nostre foy, pour dire
que Dieu soit obligé à nous et qu'il nous reçoive:
mais c'est d'autant qu'après qu'il s'est monstre pitoyable,
et qu'il nous a promis d'estre nostre sauveur,
que par foy nous venons à luy, estans deaia
despouillez de toute confiance de nos vertus, sçachans
bien que si Dieu nous regarde tels que nous
sommes, il faut qu'il nous maudisse et qu'il nous
déteste. Quand donc la foy n'apporte rien du costé
de l'homme, mais qu'elle reçoit tout de la pure bonté
et gratuite de Dieu, il n'est pas question ici de
sçavoir quelle est nostre dignité. Ainsi nous voyons
comme non seulement la foy nous aide à acquérir
salut, mais qu'elle nous apporte toute perfection.
Or sainct Paul après avoir dit que les Payons
sont bénits en Abraham, il adiouste que c'est avec
Abraham le fidèle: comme s'il disoit qu'il n'y a
autre regard pour nous faire trouver acceptables
devant Dieu: sinon la pure foy: qu'il ne faut
point ici cercher aide d'ailleurs: car voici encores
un erreur trop lourd duquel les Papistes sont enveloppez.
Car encores qu'ils ne sçachent que c'est
de foy, ni d'estre iustifiez, si est-ce qu'ils sont contraints
de dire que la foy aide à salut: mais ils
adiou8tent que c'est en partie, et que la charité y
besongne, et toutes autres vertus : et qu'il faut bien
que les hommes desservent envers Dieu d'estre
approuvez de luy: et que sans obéissance, sans
saincteté de vie ce n'est rien. Or il est vray que
la foy est inseparable de la crainte de Dieu: mais
il n'est pas question ici de sçavoir autre chose,
sinon comme Dieu nous avoue pour ses enfans.
Or s'il a regard à nos oeuvres, mal-heur sur nous.
Il faut donc qu'il destourne sa face do toute consideration
de nos personnes, et qu'il nous reçoive
seulement en nostre Seigneur Iesus Christ: ou
"bien quand il aura égard à nous, qu'il ne trouve
que nos misères pour estre esmeu et induit à I
miséricorde. Voilà donc double regard que Dieu
aura en nous iustifiant, l'un c'est qu'il contemple
nos misères: car voyant que nous sommes ainsi
abysm ez en toute confusion, il est esmeu à pitié.
Et puis pour n'e8tre plus ennemi et partie adverse
de nous qui sommes pécheurs, il faut qu'il regarde
en nostre Seigneur Iesus Christ et à sa iustice, à
fin qu'elle anéantisse toutes nos fautes.
Maintenant voici sainot Paul qui dit que nous
ne pouvons estre bénits qu'avec Abraham le fidèle:
comme s'il disoit qu'Abraham, quelque sainct personnage
qu'il fust, n'a rien apporté du sien quand
il a obtenu iustice devant Dieu. La foy (comme
desia nous avons dit) despouille l'homme entièrement
de ce qu'il cuide avoir de dignité. Puis
qu'Abraham n'a eu que la foy, il s'ensuit qu'il a
renoncé à toutes ses oeuvres, comme aussi elles
estoyent de nulle valeur. Puis qu'ainsi est donc,
apprenons de ne point faire un meslinge qui
n'apporte que corruption devant Dieu: mais contentons
nous que si Dieu nous cognoit fidèles, que
nous serons approuvez devant luy. Si on demande,
les vertus d'Abraham n'ont-elles eu nulle grace
devant Dieu ? La response à cela est aisée, Qu'Abraham
de sa nature n'avoit que toute iniquité. Il
oust esté homme perdu, si Dieu ne l'eust retiré
de l'abysme où il estoit plongé, comme aussi il
le monstre au dernier chap, de Iosué a. 2. Regardez
(dit-il aux Iuifs) dont i'ay prins vostre père
Abraham. Ses pères n'ont-ils pas servi aux idoles?
le les donc tiré du profond d'enfer. Ainsi Abraham
n'avoit de quoy se glorifier: car il ne pouvoit
faire aucun bien, sinon que Dieu l'eust prévenu
par sa grace. Or maintenant après que Dieu a
donné à Abraham de si grandes vertus et si
excellentes, qu'il est comme un patron de toute
saincteté, si est-ce toutesfois que ces vertus là ne
pouvoyent pas le iustifier: car il y avoit tousiours
à redire, quoy qu'il en soit? Quand un homme
s'efforcera le plus qu'il sera possible d'obéir à Dieu,
si est-ce qu'il ira tousiours en clochant. Or il
ne sçauroit avoir si peu à redire à nos oeuvres,
ne si petite tache que ce ne soit pour les souiller
devant Dieu, et pour les rendre abominables.
Voilà comme toutes les vertus d'Abraham, si elles
eussent esté examinees à la rigueur, ne pouvoyent
luy apporter que condamnation. Autant en est-il
de David et de tous autres. Et puis quand il est
question que Dieu nous aime, et qu'il nous avoué
pour ses enfans, il ne faut pas que ce soit pour
deux ou pour trois actes: mais pour une obéissance
telle et si parfaite que nous ne défaillions en rien
qui soit. Or est il ainsi qu'Abraham, encores qu'il
eust eu quelque perfection en une partie de sa vie,
si ne pouvoit-il pas estre iustifié: car il estoit
tousiours homme, c'est à dire pécheur: et Dieu