commentariüs in epistolam pauli ad corinthios il - Archive ouverte ...

483 SERMONS 484
GALATES. Chap. Ill v. 7^-9.
Si nous estions tels que nous voulons qu'on
nous repute, c'est à sçavoir Chrestiens, nous devrions
estre stylez à ce langage, que c'est d'estre
iustifiez par foy: mais il s'en trouvera bien peu de
ceux qui se vantent d'avoir profité en l'Evangile
qui sçachcnt que c'est de la iustice dont l'Escriture
nous parle tant. Quoy qu'il en soit, si faut-il que cest
article nous soit cognu, ou bien nous ne pouvons
avoir nulle asseurance de salut: nous ne pouvons
avoir refuge à Dieu en toutes nos nécessitez, pour
le requérir franchement. Et voilà pourquoy sainct
Paul insiste tant sur ce propos. Dimanche passé
nous veismes qu'Abraham a esté réputé iuste, d'autant
qu'il avoit creu à Dieu, et dismes que par cela
il nous est monstre que nul ne peut apporter aucune
dignité de soy pour estre agréables à Dieu:
mais qu'il nous la faut recevoir de luy. Car ce
mot de croire regarde à la promesse, pour ce que
Dieu s'estoit libéralement offert à son serviteur
Abraham, voilà qui a esté cause que Abraham a
esté réputé iuste : c'est pour ce qu'il a accepté la
grace qui luy estoit purement donnée, sçachant
bien que de soy il n'avoit que toute iniquité et malediction.
Or là dessus sainct Paul conclud que ceux qui
sont de la foy, sont enfans d'Abraham. Il est certain
que Abraham est père de tous fidèles et de
tous, enfans de Dieu, il s'ensuit donc qu'il nous faut
estre conformez à son exemple, ou la porte de vie
et de salut nous est fermée, nous sommes tous
bannis du Royaume de Dieu. Sainct Paul nous
monstre ici le moyen: car nous ne sommes point
descendus d'Abraham selon la chair: nous ne luy
appartenons de rien: si faut-il toutesfois que nous
soyons sa lignée: voire, mais le moyen est que nous
soyons participans de la promesse qui luy a esté
donnée, et que nous la recevions comme il a fait,
voilà que c'est d'estre de la foy: tellement qu'après
avoir cognu, et estre convaincus que nous ne pouvons
pas mériter aucune grace devant Dieu, et que
nous ne pouvons pas estre approuvez de luy par
nos oeuvres et par nos mérites, que nous reposions
du tout sur sa bonté, et que nous appliquions ceste
promesse à nous, c'est qu'il nous adopte pour ses
enfans. Voilà donc le passage de sainct Paul assez
entendu. Mais il adiouste que cela n'a pas esté
seulement pour les Iuifs, plustost que tous en general
y sont comprins: car aussi sans ceste addition,
la doctrine que nous avons traittee nous seroit inutile.
Dieu avoit choisi Abraham avec son lignage:
nous voilà donc forclos de l'espérance de salut, car
DIXSEPTIEME SERMON.
l'élection emporte que Dieu reiette tous ceux qu'il
n'eslit point à soy, il a esleu le lignage d'Abraham,
nous voilà donc tous reiettez ce semble: mais il y
a double promesse que sainct Paul recite. L'une
c'est que Dieu devoit estre le protecteur de la lignée
d'Abraham, et qu'il la separoit de tout le reste du
monde. La seconde promesse c'est que toutes nations
devoyent estre bénites en Abraham et en sa
semence. Si donc Dieu eust seulement dressé son
Eglise en la famille d'Abraham, nous serions auiourd'huy
miserables mais pour ce qu'en second lieu
nous sommes conioints, et que Dieu espand plus au
long sa bonté et miséricorde, laquelle il adressoit à
un certain lignage, voilà comme nous sommes participans
de salut: c'est ce que sainct Paul traitte
ici, que l'Escriture prévoyant que Dieu ne iustifie
pas seulement les Iuifs, mais veut aussi user de
semblable miséricorde envers les Payens, qui avoyent
esté comme retranchez de sa maison, il dit, Toutes
nations de la terre seront bénites en toy. Il n'est
point donc ici parlé de quelque poignée de gens
ou d'un certain peuple: mais Dieu sans exception,
ouvre la porte à tous ceux qui auparavant avoyent
esté comme désespérez du tout.
Et là dessus aussi sainct Paul conclud que ceux
qui sont de la foy seront bénits avec Abraham le fidèle,
comme s'il disoit, quand Dieu a iustifie Abraham,
il n'a point eu esgard ni à la circoncision, ni
à tout ce qu'il avoit pour acquérir grace selon l'opinion
des hommes: mais il l'a receu en autre qualité,
c'est à sçavoir comme fidèle. Dieu donc s'est
contenté de la seule foy d'Abraham. Et voilà aussi
comment il l'a voulu constituer père de toute l'Eglise.
Puis que la seule foy d'Abraham est venue en conte
devant Dieu, concluons que maintenant il nous reçoit
à soy, et à son exemple quand nous aurons
une telle foy que luy, non pas en mesure égale:
mais encores que nous le suivions, et fust-ce de
loin, Dieu nous accepte. Ceste benediction donc
n'est pas pour la lignée charnelle d'Abraham seulement:
mais pour ceux qui estoyent eslongnez de
luy, quand il y aura ceste similitude et conformité
de foy. Or pour faire nostre profit de ceste dootrine,
retenons ce que nous avons touché, qu'estre
de la foy, c'est se reposer du tout en la pure miséricorde
de Dieu. Or sainct Paul met une comparaison
de choses contraires, et qui ne se peuvent
accorder non plus que le feu et l'eau, estre de la
Loy et estre de la foy. Or ce n'est pas que la
Loy ne procède de Dieu: et si nous la reiettons, à
qui s'adresse un tel mespris? L'authorité de Dieu
n'est-elle pas violée en cela? mais sainct Paul sous
ces mots de Loy et de foy ne regarde pas simple-