commentariüs in epistolam pauli ad corinthios il - Archive ouverte ...

453 SUR L'EPITRE AUX GALATES. 454
que apparence, ce n'est qu'autant de vent. Il est
certain que quand les hommes sont enflez d'orgueil,
qu'ils sont tant pleins qu'ils en crèvent: mais ce
n'est que de vent. Or ce vent-là, quoy qu'il en
soit, empeschera que nous ne puissions recevoir les
biens qui nous sont appprtez et acquis par le fils
de Dieu, et lesquels il nous communique par son
Evangile. Voilà donc à quoy tend ceste conclusion
que fait ici sainct Paul.
Or les Papistes confesseront assez que nous ne
sommes pas suffisans pour acquérir salut, sinon
que nous soyons aidez par nostre Seigneur Iesus
Christ: mais ils imaginent que les hommes se
peuvent sauver à demi, et ce qui leur deffaut, qu'il
est suppléé par la grace de nostre Seigneur Iesus
Christ, et cuident avoir un bon eschappatoire et bien
profitable: mais en parlant ainsi ils monstrent qu'ils
sont ennemis mortels de la grace de nostre Seigneur
Iesus Christ, et qu'ils soustiennent la cause et la querelle
de ces faux Apostres, et de ces séducteurs qui
avoyent corrompu, abastardi et falsifié la pure
vérité en l'Eglise de Galatie. Car ceux là confessoyent
assez que Iesus Christ estoit le sauveur
de ce monde, ils eussent eu honte de dire que Iesus
Christ ne fust rien : mais plustost ils faisoyent profession
de Chrestienté. Et qu'estimoyent - ils de
Iesus Christ? qu'il estoit venu pour aider à l'infirmité
des hommes, pour ce qu'ils ne pouvoyent
pas du tout s'acquiter de la Loy: ils ne pouvoyent
pas avoir une si grande et si ample perfection
comme il estoit requis, qu'il faloit bien que Iesus
Christ les aidast: et autant en disent auiourd'huy
les Papistes. Or sainct Paul conclud à l'encontre
que Iesus Christ seroit mort en vain. Si on
réplique, non seroit pas: car il y aura quelque
fruict en sa mort et passion, quand il nous aidera
à la remission de nos péchez: et encores que nous
ayons des moyens pour satisfaire à Dieu, cela ne
suffiroit pas, sinon que Iesus Christ y besongnast
parmi. Si on ameine ceste réplique là, notons que
sainct Paul a tenu ce principe pour certain et infaillible,
que quelque chose que nous cuidions
avoir, il n'y a en nous que malediction, iusques à
ce que Dieu nous ait acceptez par sa pure grace.
Voilà en quoy les Papistes se trompent, et non pas
eux tant seulement: car c'a esté un erreur commun
pour les Turcs et pour tous les Payons qui ont
iamais esté. Les Turcs confesseront assez qu'ils
ont besoin de la miséricorde de Dieu: comme ceste
opinion là a esté de tout temps par le monde:
mais ils ont meslé leurs satisfactions parmi la
grace de Dieu, pour dire, Combien que Dieu nous
soit pitoyable, si est-ce toutesfois qu'il nous faut
acquérir grace devant luy par nos propres mérites.
Voilà ce que les Payons ont dit. Et auiourd'huy les
Papistes quoy? tout un. Car après avoir confessé
qu'ils sont poures pécheurs, et qu'ils ont besoin
d'estre secourus par nostre Seigneur Iesus Christ,
et que sa mort et passion vaille pour les faire approcher
de Dieu, ils y meslent leur franc arbitre,
leurs preparations, et puis ils disent qu'ils méritent
de leur costé: et si Iesus Christ les aide, qu'il ne
fait pas neantmoins le tout. Et de faict voilà quelle
est la doctrine des Papistes de mot à mot : ils disent
que nous ne pourrions rien mériter, sinon que Iesus
Christ marchast devant et qu'il nous monstrast le
chemin : mais ils disent qu'il nous a acquis la premiere
grace, et que c'est à nous de suyvre et d'acquérir
la seconde, et si on leur demande, qu'est-ce
que ceste premiere grace? L'occasion de mériter:
voilà leur style et langage. Or ceste occasion de
mériter n'est sinon que les hommes sont suffisans
en eux-mesmes d'obliger Dieu par leurs satisfactions.
Or sainct Paul monstre que c'est un sacrilege
trop enorme, voire et, du tout diabolique, d'avoir
une telle arrogance: et pourtant il conclud que Iesus
Christ seroit mort en vain, si nous cerchions iustioe
en la Loy. Voulons nous donc posséder nostre
Seigneur Iesus Christ? Il faut que nous sçachions
ponrquoy nous venons à luy: c'est d'autant que
nous sommes desia damnez par la Loy, que nous
sommes maudits de Dieu : que nous sommes retranchez
de l'espérance de vie, que nous n'avons que
corruption en nous: qu'il faut que Dieu nous purge
par son sainct Esprit: et d'autant qu'il y a beaucoup
d'infirmitez en nous, il nous faut tousiours
venir à ceste fontaine, pour puiser en luy ce qui
nous deffaut. Or si nous sommes contraints par
nécessité de venir à nostre Seigneur Iesus Christ,
confessans qu'il n'y a en nous que toute malediction
et misère, il faut que nous venions à ceste conclusion
de sainct Paul, qu'il seroit mort en vain s'il
faloit obtenir iustice par la Loy, voire du tout ou
en partie. Il faut que nous confessions cela. Et
ceux qui sont les plus idiots le peuvent bien appercevoir:
tellement que si nous ne recevons Iesus
Christ à telle condition, il est certain que sa venue
ne nous profitera de rien. Il n'y aura sinon un
vent pour nous confier, en sorte que nous ne serons
plus capables de la miséricorde de Dieu qui
nous est présentée en nostre Seigneur Iesus Christ.
Or puis qu'ainsi est, que nous apprenions de ne
faire point un tel meslinge: car ce ne seroit que
falsifier la vérité de Dieu, quand nous voudrons
embrouiller nos mérites parmi la remission gratuite
de nos péchez: mais que nous cognoissions que nous
tenons tout de nostre Seigneur Iesus Christ. Et
au reste quand nous aurons apprins de nous reposer
ainsi en luy, que nous soyons ravis à la cognoissance
des biens spirituels qu'il nous apporte, et
que les afflictions et misères de ce monde n'em-
29*