commentariüs in epistolam pauli ad corinthios il - Archive ouverte ...

447 SERMONS 448
coeur: il nous faut contenter de cela. Mais encores
quand nous avons nostre Seigneur Iesus Christ
pour confirmation plus ample, nous savons qu'il
est descendu aux enfers, c'est à dire qu'il a soustenu
la malediction qui estoit deuë à nos péchez,
qu'il a respondu comme nostre pleige et fiance devant
le iugement de Dieu son père: et puis il est
monté aux cieux et a prins possession de l'héritage
qu'il nous a acquis, et l'a fait en nostre nom: car
il a esté eslevé là haut en nostre chair et nature.
Quand nous avons une telle asseurance, ne faut-il
pas que nous soyons bien miserables, si nous ne
pouvons nous tenir à cela? Et puis il est question
de tousiours regarder à ce qui a esté dit, que nous
espérons, non pas les choses qui nous sont toutes
patentes: mais celles qui sont incognues quant au
sens humain. Puis qu'ainsi est donc, apprenons
de vivre par la foy de Iesus Christ, o'est à dire
combien que nous soyons miserables en ce monde,
combien qu'il nous fale souffrir tant de faacheries,
tant d'ennuis et d'angoisses, tant de troubles et
difficultez, toutesfois que nous persistions en ceste
constance, pour sentir qu'il n'y a que toute félicité
en nos misères, d'autant que Dieu les bénit et les
sanctifie au nom de nostre Seigneur Iesus Christ,
et que tout cela nous est converti en aide à salut,
comme il en est parlé au 8. chap, des Rom. e. 27.
Il faut donc que Dieu parface sa vertu (comme
nous avons veu en l'autre passage) en nostre infirmité,
et que nous souffrions qu'il nous face décliner
en telle sorte que ce monde n'empesche pas que
tousiours nous n'ayons les promesses de l'Evangile
bien imprimées en nos coeurs, et que cela nous
rende ioyeux et alaigres au milieu de nos misères
et afflictions: et que nous despitions hardiment
toutes les calomnies et mocqueries des incrédules,
quand ils nous reprochent: Et comment? Poures
malotrus, vous pensez estre des petis rois, quand
vous croyez à l'Evangile : Et poures miserables, où
est ceste ioye et ceste félicité, laquelle vous dites
vous estre promise de Dieu? où est ce bien inestimable
que vous prisez tant? car vous n'avez rien
plus que ceux que vous appelez ennemis de Dieu,
reprouvez et maudits. Or il ne faut point (comme
i'ay desia dit) que tout cela nous desbauche: car il
nous faut revenir à la foy. Combien donc que nous
n'appercevions point ici bas ce qui nous est promis
en l'Evangile, tenons le tout asseuré : car nostre
vie est cachée, comme sainct Paul en parle au
3. chap. d.es Coloss. a 3, et le temps n'est pas encores
venu qu'il nous soit manifesté. Et où est
nostre vie sinon en nostre Seigneur Iesus Christ?
Or le royaume de nostre Seigneur Iesus est bien
apparu: mais ce n'est qu'en partie: nous en avons
seulement quelque goust: et aussi, les choses sont
si troublées et confuses en ce monde, que si nous
voulions iuger de nostre salut selon l'apparence,
que 8eroit-ce? Souffrons donc que nostre vie soit
cachée iusques à ce que nostre Seigneur Iesus Christ
vienne, et alors nous cognoistrons que nous n'avons
pas esté frustrez en nous fiant à luy et en acceptant
la doctrine de son Evangile.
Voilà donc comme il nous faut vivre par foy:
c'est à dire, qu'il ne nous faut point estre si délicats
que de cercher ici une vie paisible: d'avoir
tous nos aises et commoditez: car en ce faisant
nous délaisserions ce qui nous est promis de Dieu,
il seroit mis en oubli, ce seroit anéantir la foy par
ce moyen. Mais que nous prenions ce miroir de
la parole de Dieu, pour regarder les choses qui
surmontent tout nostre sens, qui sont eslongnees
de ce monde et qui sont invisibles du tout: et que
nous eslevions nos yeux iusques là: non point
selon que nostre raison et prudence nous y pourra
guider (car ce n'est point assez), mais que nous
surmontions ce monde, et que nous quittions les
choses présentes, afin de nous entretenir en l'attente
des promesses de Dieu, et estre patiens en toutes
afflictions et misères, par lesquelles il faut que
nous soyons exercez, et contre lesquelles il nous
faut batailler iusques à ce que nous recevions le
fruict de nostre victoire, quand nous serons eslevez
au repos celeste. Voilà donc ce que nous avons à
retenir de ceste sentence de sainct Paul, laquelle
de prime face pourroit sembler obscure: mais nous
verrons aiséement qu'il n'y a nulle obscurité quand
nous aurons regardé d'un costé quelle est nostre
condition, cependant que nous sommes en ce monde:
et puis que d'autre costé nous aurons considéré
quelle est la nature de la foy.
Or notamment sainct Paul adiouste, Que Iesus
Christ l'a aimé, et qu'il s'est exposé pour luy à la
mort. C'est une declaration de ce que nous avons
n'agueres veu. Car ce mot de foy est souvent
mal entendu -des hommes, pour ce qu'on ne regarde
point quelle en est la substance. Et de faict,
chacun s'appellera fidèle, et à grand peine en
trouvera-on dé ceux qui font profession de Chrestienté
de cent l'un qui en ait une seule goutte.
Car (comme i'ay desia dit) on ne s'enquiert point
que c'est à dire foy. Ce mot là est bien court,
mais il tire longue queue après soy, comme nous
le voyons par ceste addition qui est ici mise: car
S. Paul declare qu'il vit en la foy, pour ce que
Iesus Christ l'a aimé et qu'il s'est livré à la mort
pour luy. Autant nous en faut-il faire: car quand
nous voyons que le Fils de Dieu, le Seigneur de
gloire, le chef des Arfges, celuy par lequel tout a
esté crée et est maintenu, que celuy là se soit exposé
à la mort, voire à une mort tant ignominieuse,
qu'il ait receu nostre malediction: que nonseulement
il ait esté pendu en un gibet qui estoit