commentariüs in epistolam pauli ad corinthios il - Archive ouverte ...

443 SERMONS 444
GALATES. Chap. II, T. 20, 21.
Nous avons veu ce matin à quelle condition
nous sommes offerts en sacrifice à Dieu, quand
nostre Seigneur Iesus Christ nous unit à son corps:
ce n'est pas pour demeurer en la mort, en laquelle
desia nous sommes plongez de nature, mais plustost
pour nous faire participans de la vie celeste. Or
l'Apostre ayant ainsi parlé, magnifie la grace de
Dieu disant, Que ce n'est plus luy qui vit, mais
Iesus Christ: autant comme s'il disoit que de nature
nous n'avons que malediction en nous. Et ainsi
toutice que Dieu nous eslargit de bien, qu'il nous
le faut cognoistre et confesser venir de luy, et luy
en faire hommage : car la foy apporte tousiours
ceste humilité-là que l'homme s'anéantit à fin
d'attribuer toute louange à Dieu. Or cependant on
trouveroit estrange qu'un homme fidèle se glorifie
que Iesus Christ vit en luy, et toutesfois il est
mortel. Cependant que nous conversons ici bas,
nous Bommes subiets à, beaucoup d'infirmitéz : il
semble donc que ce propos soit comme une speculation
vaine, que Iesus Christ vive en nous, mais
sainct Paul nous ramené à la foy, et dit combien
que nostre vie soit corruptible en apparence, et que
nous soyons suiets à toutes afflictions de ce monde,
tant y a que la foy nous vivifie: tellement que
nostre Seigneur Iesus Christ ne laisse pas de nous
faire participans de sa vie celeste, et de faict, nous
la possédons, puis qu'il ne faut plus amener en
avant la condition des fidèles selon qu'on en peut
iuger par le sens naturel : mais il nous faut monter
plus haut. Car la vie que nostre Seigneur Iesus
Christ nous communique est un thresor qui nous
est caché, et que nous ne comprenons point sinon
par foy, laquelle surmonte tout le monde. Or il
nous faut espérer les choses que nous ne voyons
point et qui sont cachées, et voilà en quoy Dieu
sera honoré, quand nous priserons tellement sa
parole et ses promesses, que tout ce que nous
verrons au monde ne nous pourra retenir que
tousiours nous ne le cerchions, que nous ne tendions
à luy et que tout nos sens n'y aspirent. .
Or donc en premier lieu, nous avons à recueillir
de ce passage que iamais un homme n'a bien profité
en l'Evangile, iusques à ce qu'il attribue tout son
bien à nostre Seigneur Iesus Christ. Car en nous
reservant tant peu que ce soit, desia nous sommes
ingrats à Dieu, et sa grace ne peut estre obscurcie
par nous que nous n'en soyons desnuez, comme
aussi nous en sommes dignes: et en cela void on
que tous ceux qui se confient en leurs propres mérites
sont tousiours pleins d'orgueil et comme en­
QUATORZIEME SERMON.
nemis mortels de la gloire de Dieu. Il est vray
qu'ils n'en feront point profession de bouche: mais
tant y a que les hypocrites qui pensent estre reputez
iustes par leur dignité propre, se revestent
des plumes de Dieu: et aussi l'humilité est une
vertu principale entre toutes les autres: car qu'estce
de tous leurs mérites? Au contraire, quand les
fidèles s'humilient, ce n'est pas pour acquérir grace
devant Dieu, comme s'ils en estoyent dignes: mais
c'est pour confesser à la vérité qu'ils n'ont rien
dont ils se puissent vanter, et qu'il faut qu'ils reçoivent
tout de la pure libéralité de Dieu. Or
c'est pour le moins que nous luy rendions une
telle confession, quand il s'est monstre si humain
envers nous, et qu'il n'a rien espargné, que nous
confessions combien nous sommes tenus à luy.
C'est donc ce qui nous est ici monstre par
sainct Paul: mais le second article doit estre bien
poisé, quand il dit, que nous vivons en la chair, mais
c'est par la foy de nostre Seigneur Iesus Christ. Ce
mot de vivre en chair, en ce passage signifie autant
comme d'estre en ce pèlerinage terrien et passer
par ceste vie caduque. Car au 8. chap, des Romains
c. 13 quand il parle de vivre en la chair, il entend
d'estre adonné à ces cupiditez mauvaises, comme
ceux qui n'ont nulle crainte de Dieu, ils se donnent
toute licence. Ceux donc qui suyvent leur train
comme bestes brutes, ceux là vivent en la chair:
mais en ce lieu sainct Paul fait comparaison de
ceste vie extérieure à la vie celeste, laquelle nous
possédons par foy. Car comment distinguera on
entre les fidèles et les incrédules? ils boivent et
mangent l'un comme l'autre. Il est vray que les
uns boivent et mangent en sobriété : mais on verra
des incrédules assez temperans, qui ne seront point
adonnez à yvrongnerie ni à excès. Or quoy qu'il
en soit, de prime face on iugeroit que ceste vie est
commune à tous. Mais encores les fidèles trainent
souvent les ailes et ne font que languir en ce
monde, et puis la mort est commune et égale à
tous: il n'y a donc nulle diversité si on s'amuse à
ce qui apparoist: bref on dira que c'est peine
perdue que de croire en Iesus Christ. Car nous ne
recevons point ici le salaire de nostre foy: et si
Dieu nous appelle plus loin, si est-ce que nous
avons une vie commune et semblable, puis qu'il
nous faut tous venir à la mort. Comment donc
est-ce que Iesus Christ vit en nous? car cela est
caché. Or Bainct Paul nous rameine à la foy.
Maintenant il reste de Bçavoir quelle est la nature
de la foy, c'est de contempler les choses incompréhensibles
à nostre sens: c'est de quitter ce monde
et de cercher le royaume de Dieu: c'est de nous