commentariüs in epistolam pauli ad corinthios il - Archive ouverte ...

421 SUR L'EFITRE AUX GALATES. 422
Sauveur: que n'use on de ce langage là, et non
point dire qu'il nous vueille iustifier? Mais ce
n'est point sans cause que l'Escriture parle ainsi.
Car si nous voulons prendre ce mot de salut
cruement et dire que nous sommes sauvez par la
grace de nostre Seigneur Iesus Christ, nous ne
cognoistrons pas bien quelle est nostre condition,
et combien miserable, et aussi le remède qu'il nous
faut appliquer à cela. Car il faut que pour mettre
nostre fiance en Iesus Christ, nous cognoissions
que tant par le péché d'Adam que par tant d'iniquitez
ausquelles nous sommes confits, nous
sommes du tout perdus: nous devons avoir cela
tout résolu en nous. Or nous n'appréhenderions
point les péchez qui nous condamnent et maudisent
devant Dieu, sinon que nous sceussions que nous
avons besoin de justice. D'autre costé nous ne
cognoistrions pas la iustice de Dieu, si nous disions
simplement: Nous sommes sauvez par la foy et par
grace. Car Dieu ne se peut renoncer une fois,
d'autant qu'il est la iustice souveraine, et qu'il n'y
a en luy que toute pureté et perfection, il faut
qu'il naisse le mal. Or est-il ainsi que nous
sommes tous pleins de corruption: il n'y a en
nous que tout mal: il faut donc que Dieu nous
baisse. Or cependant qu'il nous hait, mal-heur
sur nous, nous voilà damnez.
Il faut donc que nous soyons iustifiez devant
qu'estre agréables à Dieu: c'est à dire qu'il faut
que nous soyons purgez de nos fautes et transgressions:
car autrement iamais nous ne pourrons
appréhender (comme i'ay dit) que Dieu nous
vueille faire miséricorde: mais cognoissans que
nous sommes pécheurs, nous voyons quant et quant
qu'il faut que Dieu baisse le péché et en baissant
le péché, qu'il trouve neantmoins le moyen de
nous sauver, c'est qu'il oublie nos iniquitez, qu'il
•les nettoyé et les purge par le sang de nostre
Seigneur Iesus Christ, qui est nostre lavement
spirituel. Dieu donc nous purge en telle sorte, à
fin que nous puissions estre receus de luy, et
qu'estans participans de Bon amour nous puissions
aussi estre asseurez de nostre salut. Voilà donc
pourquoy l'Escriture use de ce mot iustifier. Or
les Papistes debatent là dessus comme des poures
aveugles. Comment? que nous soyons iustifiez par
la foy? La foy n'est pas une vertu qui rende
l'homme parfait: comment donc nous fera-elle iustes?
et ne regardent pas que ceste iustice, dont
l'Escriture parle, n'est sinon d'autant que Dieu
(comme i'ay desia déclaré) couvre nos iniquitez, et
mesmes qu'il les abolit au nom et par le moyen de
nostre Seigneur Iesus Christ et par la vertu du
sacrifice de sa mort et passion. Quoy qu'il en soit,
il est dit que nous sommes reputez pour iustes devant
Dieu, d'autant qu'il nous remet et nous par­
donne nos péchez. Et voilà comme sainct Paul en
parle au quatrième chapitre des Romains, quand il
dit que David a bien déclaré en somme comme
nous sommes iustifiez par la foy quand il dit: Bienheureux
est l'homme duquel Dieu a oublié les iniquitez
et duquel il couvre les péchez. Et puis en
l'autre passage il dit, que nostre Seigneur Iesus
Christ, qui ne sçavoit que c'estoit de péché, qui
n'avoit en soy aucune macule, a esté fait péché
pour nous: c'est à dire, il a receu toute la condamnation
de nos fautes, à fin que nous fussions
iustice de Dieu en luy: c'est à dire qu'estans comme
entez en sa personne et unis avec son corps, nous
soyons reputez pour iustes, à cause qu'en son obéissance
il y a une telle perfection que nos péchez
ont esté ensevelis et nettoyez du tout. Voilà quant
à ce mot de iustifier.
Or quant à ce mot de foy, sainct Paul adiouste
pour declaration, qu'eux ont creu en Iesus Christ:
Si on demande à un idiot que c'est de foy, il
pourra bien dire que c'est croire: mais il ne sçaura
ce qu'il vaut, ne ce qu'emporte autant l'un que
l'autre. Voulons nous donc en avoir intelligence
selon la rudesse des plus idiots? il nous faut tousiours
observer que nostre Seigneur Iesus est mis
pour le but de nostre foy et de nostre creance.
Obtenons nous salut par la foy? c'est d'autant que
nous croyons en nostre Seigneur Iesus Christ. Or
regardons maintenant pourquoy c'est que nostre
Seigneur Iesus Christ nous est mis devant les yeux,
à fin que nostre foy s'adresse à luy, et qu'elle y
soit du tout arrestee? c'est pour ce que nous trouverons
en luy tout ce qui appartient à nostre iustice.
Nous avons desia dit que nous sommes reputez
iustes devant Dieu, quand il nous pardonne nos
péchez et qu'il ne les appelle plus à conte. Et
comment obtiendrons nous cela, sinon d'autant
que le sang de nostre Seigneur Iesus Christ a esté
espandu pour nostre lavement? Car quand en sa
mort et passion il a satisfait pour nous : voilà Dieu
qui est appaisé moyennant que nous ne cerchions
autre payement, sinon le sacrifice qui luy a esté
offert par son Fils unique, nostre Seigneur Iesus
Christ, lequel est appelé le Fils agréable de Dieu,
à fin qu'en luy nous soyons aimez: il est appelé le
Iuste, à fin que nous soyons faits participans de sa
iustice: il est appelé le Sainct, à fin que nous soyons
sanctifiez en luy. Voilà donc pourquoy il nous
faut regarder à nostre Seigneur Iesus Christ, quand
nous voudrons cognoistre qu'emporte ce mot de foy.
Or les Papistes s'opiniastrent, d'autant que iamais
ils n'ont gousté que c'estoit de croire, et le monstrent
assez en ce qu'ils allèguent. Comment?
sera-il possible que l'homme soit iustifié par foy,
veu que les diables mesmes croyent? il est vray:
et sainct laques use de cest. argument: mais là il
27*