commentariüs in epistolam pauli ad corinthios il - Archive ouverte ...

419 ' SERMONS 420
Or sainct Paul monstre ici leur bestise, quand
il dit: sinon par la foy: car ce mot là emporte que
tout ce que les hommes présument d'apporter à
Dieu, pour luy estre agréables, est retranché. Voilà
donc la porte close à tous mérites, quand sainct
Paul prononce qu'il n'y a autre moyen sinon par
la foy. Nous verrons plus expressément ci après
pourquoy la foy est ainsi accomparee à la Loy
comme une chose opposite. Car la Loy presuppose
qu'ayans accompli ce que Dieu nous commande,
nous soyons trouvez bons serviteurs, et qu'il nous
rende le salaire qu'il nous a promis: la foy presuppose
que nous soyons poures gens damnez et
perdus, et que nous cerchions en Iesus Christ ce
qui nous deffaut: comme pour exemple, quand il
y aura deux hommes qui demanderont à estre
nourris et couchez, l'un apportera argent et voudra
estre traitté en bien payant. Tous deux demanderont
quoy qu'il en soit à manger: mais le second sera
poùre, et n'aura ne denier ne maille, il demandera
l'aumosne. Voilà donc les deux qui ont bien quelquechose
de commun: car ils demandent pasture,
comme ils en ont faute: mais le premier aura
argent pour contenter son hoste: et comme il aura
bien beu et mangé, qu'il aura esté receu humainement,
aussi l'hoste de son costé recevra le payement
et se contentera, et n'estimera point que celuy-là
soit obligé envers luy. Pourquoy? Il est satisfaict,
et mesmes il a gagné. Or le poure homme qui demandera
l'aumosne, il tient sa vie de celuy qui le
nourrit et le couche: car il ne luy apporte rien,
sinon charge. Ainsi donc quand nous voudrons
estre iustifiez devant Dieu par la Loy, il faut que
nous le desservions, tellement qu'il reçoive de nous,
et que nous recevions de luy, et qu'il y ait comme
une chose réciproque. Et cela est-il possible? nenni:
comme nous verrons plus au long ci après. Il faut
donc conclurre que nous sommes déboutez de la
iustice de la Loy, et quand nous cuidons apporter
à Dieu quelque obligation, nous ne faisons que provoquer
son ire. Il ne reste donc sinon que nous
y venions comme poures mendians, et ainsi la foy
nous iustifie: non pas comme une vertu qui soit
en nous, mais d'autant que nous confessons avec
toute humilité que nous ne pouvons obtenir salut,
sinon qu'il nous soit donné, gratuitement.
Voiià donc comme la Loy est ici mise à l'opposite
de la foy: comme si sainct Paul declaroit
que tous ceux qui prétendent d'estre agréables à
Dieu par leurs mérites, ils renoncent à la grace de
nostre Seigneur Iesus Christ, comme il en sera
aussi traitté plus au long. Or. maintenant si on
dit que la Loy a esté donnée de Dieu, ainsi qu'elle
ne peut pas avoir aucune contrariété à la foy, de
laquelle aussi Dieu est autheur, la response est facile
à cela. Car Dieu a fait le iour et la nuict,
l'eau et le feu, le froid et le chaut. Or maintenant
il est certain que le iour ne sera pas contraire à
la nuict: car nous voyons un ordre admirable de
la bonté et sagesse de Dieu, quand l'homme a la
clarté du soleil pour faire son ouvrage de iour, et
de nuict qu'il est là comme caché en repos. Ainsi
donc combien que le iour soit divers d'avec la nuict,
il n'y a point de contrariété, aussi n'y a il pas
entre le feu et l'eau, moyennant que chacune creature
ait son usage comme elle doit, mais nous voyons
comme Dieu a très bien accordé le feu avec l'eau:
et cependant si on les veut faire batailler ensemble
il y aura grande contrariété. Ainsi en est-il de la
Loy et de l'Evangile. Or ceux qui veulent que
l'homme soit iustifie tant par l'Evangile que par
la Loy, ils brouillent et meslent tout, c'est autant
comme qui feroit esclater le ciel et la terre: bref
il seroit plus aisé de mesler le feu et l'eau, que de
dire que nous puissions acquérir par nos mérites
quelque grace de Dieu, et cependant, que nous
ayons besoin aussi d'estre secourus par nostre Seigneur
Iesus Christ. Mais quand on regardera que
c'est de la Loy, et à quel usage elle a esté donnée,
alors on trouvera qu'elle n'a nulle repugnance à
l'Evangile et par consequent à la foy, et qu'il y a
un accord très bon. Voilà donc ceste difficulté
solue. Que si on allègue que la foy procède de
Dieu comme la Loy, il est vray, mais il faut regarder
(comme nous verrons ci après) pourquoy
Dieu a donné l'un et l'autre.
Or retournons à ce que dit sainct Paul : il dit
que nous ne sommes point iustifèes que par la foy
de nostre Seigneur Iesus Christ. Quand il parle
d'estre iustifiez, notons que c'est autant comme
d'estre reputez ou tenus pour iustes devant Dieu*
Et ce mot-ci a besoin d'estre entendu: car il est
question de sçavoir comment nous sommes sauvez.
Or ne sommes nous pas miserables creatures, si
apres avoir .vescu long temps en ce monde, on
nous demande quel est le moyen de salut, et que
nous n'en puissions respondre? Nous verrons beau-,
coup de poures bestes qui auront gourmande le
pain de Dieu, et neantmoins ils ne sçauront
comment ils se pourront presenter devant luy. Or.
pour ceste cause nous faut-il estre tant plus attentifs
à ce qui nous est ici enseigné par sainct PauL
Il dit donc que nous sommes iustifiez. Et comment?
Est-ce que nous soyons iustes, et qu'il n'y ait que
"redire en nous? nenni: mais c'est que Dieu nous
accepte. Le mot de Iustice donc se prend pour ceste
faveur que Dieu nous porte, entant qu'il nous veut
estre Père et nous tenir pour ses enfans. Si on
demande: Et pourquoy l'Escriture use elle de ce:
mot Iustifier? car il semble que cela ne vienne
point à propos. On pourroit bien dire, Dieu nous
aime, il a pitié de nous, il veut nous estre Fere et