commentariüs in epistolam pauli ad corinthios il - Archive ouverte ...

413 SUR L'EPITRE AUX GALATES. 414
phetes ont-ils ainsi parlé? Ils adioustent en second
lieu, quand les hommes auront fait tout ce qui leur
est possible,, toutesfois qu'ils ne laissent pas d'estre
redevables à Dieu, et que les ceremonies sont pour
les mener plus loin: c'est à sçavoir qu'ils recognoi88ent
que Dieu les appelle à soy, leur promettant
de leur faire merci, d'oublier et ensevelir toutes
leurs fautes, voire par le moyen du rédempteur qui
leur estoit promis.
Or maintenant sainct Paul laisse ce premier
poinct, c'est à sçavoir que les ceremonies ne sont
rien sans le principal, c'est à sçavoir que nous
cheminions sans faire tort à personne, sans faire
outrage ou nuisance ou dommage à autruy : que
nous soyons chastes et purs, que nous ayons une
conscience nette et droite: sainct Paul laisse ceste
dispute là et pourquoy? Elle ne venoit point à
propos : mais il nous monstre que les ombrages de
la Loy n'ont pas esté utiles ou nécessaires, d'autant
qu'ils n'estoyent rien si on les eust regardez
en leur nature: mais qu'il faloit venir à la fin:
c'est que d'autant que là on avoit tesmoignage de
la grace qui nous est finalement eslargie en nostre
Seigneur Iesus Christ, qu'il se faloit là arrester du
tout. Et ceci nous doit estre auiourd'huy bien
imprimé et au coeur et en la memoire. Oar nous
aurons profité beaucoup, sçachans comme nous
devons appliquer à nostre usage les Sacremens qui
nous sont instituez par nostre Seigneur Iesus
Christ. Et sur tout, d'autant que nous avons
dimanche prochain à recevoir la Cène : car auiourd'huy
(combien que nous devions estre exhortez à
estre préparez) cela n'avoit point esté touché de
matin. Or regardons à nous quand nous cuiderons
estre justifiez par le Baptesme, nous polluons ce
que Dieu a dédié pour nostre salut. Et pourquoy?
Le Baptesme nous enseigne qu'il n'y / a en nous
qu'ordure et puantise. Car pourquoy lavons-nous
et mains et visage et le corps, sinon pour nettoyer
les macules qui y sont? Or il est dit que le Baptesme
est nostre lavement: il s'ensuit donc que
quand nous venons au Baptesme, et que chacun y
apporte ses enfans, que nous déclarons que les enfans
dés le ventre de la mere sont desia damnez
et perdus: que c'est une semence maudite: qu'il
faut qu'ils acquièrent pureté, non pas d'eux mesmes:
mais qu'ils la reçoivent, d'autant qu'elle leur
est offerte en nostre Seigneur Iesus Christ. Et si
les enfans sont desia pleins d'infection venans au
monde, que sera-ce de nous qui ne cessons d'offenser
nostre Dieu, et qui humons l'iniquité comme le
poisson fait l'eau, ainsi qu'il en est parlé au livre
de lob? Apres quand nous avons la Cène, qu'y
venons nous faire? Est-ce pour acquérir quelque
mérite devant Dieu? non: mais nous confessons que
nous sommes comme poures trespassez, qui venons
cercher nostre vie hors de nous-mesmes: et pourtant
qu'il faut que la chair de nostre Seigneur
Iesus Christ soit nostre viande, et que son sang
soit nostre breuvage, et que nous ayons là tout ce
qui deffaut en nous. Voilà donc comme les Sacremens
ne sont pas pour nous enfler de quelque vaine
présomption, mais pour nous faire cheminer en humilité,
à fin qu'estans vuides de toute fiance, nous
ne cerchions sinon que Dieu nous subvienne par
sa bonté infinie, et qu'il desploye les thresors de
sa grace selon que nous en avons besoin.
Or quand nous venons là c'est à fin que Dieu
nous admonneste de nos péchez pour en estre touchez
à bon escient. Ce n'est pas à fin que seulement
de bouche et par acquit et par cérémonie
nous cognoissions que nous sommes pécheurs : mais
il faut que nous ayons les coeurs navrez au dedans
de tristesse de l'avoir offensé: que nous sentions
combien son ire est espouvantable à fin de gémir
en nous-mesmes et de n'avoir aucun repos, iusques
à ce qu'il nous ait monstre où nous le trouverons:
c'est à sçavoir en nostre Seigneur Iesus Christ: et
qu'un chacun regarde bien quand nous approcherons
de ceste saincte table,' d'estre tellement fondez en
nostre Seigneur Iesus Christ, qu'ayans renoncé à
toutes les vaines illusions de Satan, toutes les tromperies
qu'il nous met devant les yeux, à fin de nous
destourner de la grace de Dieu: que nous embrassions
Iesus Christ avec le mérite de sa mort et
passion : que nous cognoissions que c'est là où nous
avons l'accomplissement de iustice et de salut. Et
au reste, puis que nostre Seigneur Iesus Christ
nous a appelez pour estre membres de son corps,
que nous soyons unis ensemble: que nous taschions
de glorifier Dieu comme d'un coeur et d'une bouche :
et puis que nous vivions avec nos prochains en
vraye union, comme une main taschera de servir
au pié et que la main servira à l'oeil. Ainsi donc
que nous ayons ceste fraternité pour recommandée
en telle sorte que nous monstrions que nous ne
voulons pas nous séparer comme pour deschirer
Iesus Christ par pieces: mais que nous desirons
qu'il nous unisse tellement que non seulement il
vive en nous, et nous en luy: mais qu'il nous gouverne
par son sainct Esprit, en telle sorte qu'un
chacun tasche de le servir et honorer en premier
lieu, et puis de s'employer au service de ses prochains,
selon le moyen qu'il aura.
Or nous nous prosternerons devant la maiesté
de nostre bon Dieu en cognoissance de nos fautes,
le priant qu'il luy plaise de nous les faire sentir
de plus en plus, et que ce soit tousiours pour nous
inciter à meilleure repentance, et que nous y persévérions
iusques en la fin: et que nous croissions
aussi en la foy de nostre Seigneur Iesus Christ,
pour nous adonner du tout à luy, et pour invoquer