commentariüs in epistolam pauli ad corinthios il - Archive ouverte ...

407 SERMONS 408
lever les cornes et se glorifier en eux-mesmes. Or
cela est pour abolir la gloire de Dieu : pour ce que
nous ne sçaurions nous attribuer tant peu que ce
soit, que nous ne luy desrobions ce qui luy appartient
et ravissions. Voilà donc un sacrilège diabolique,
quand les hommes présument de leur vertu
propre, comme s'ils avoyent une seule goutte de
iustice. Et puis c'est entrer au gouffre d'enfer,
quand nous cuidons obtenir salut pour nos oeuvres :
car nous renonçons à. la mort et passion de nostre
Seigneur Iesus Christ, là où il nous faloit cercher
toute nostre iustice. Et puis le diable nous fait
accroire merveilles: mais c'est pour nous faire tresbucher
en ruine. Ainsi donc, notons bien que sainct
Paul traitte ici du moyen de nous iustifier devant
Dieu: c'est à dire, de luy estre agréables, d'autant
que c'est le principal que nous devons apprendre,
et sans cela toute religion (qu'on nommera) n'est
que fumée et mensonge, et n'est pas sans cause que
sainct Paul entre en ceste question. Car plusieurs
allèguent, Et comment? il n'estoit question que des
ceremonies de la Loy. Et pourquoy donc sainct
Paul se iette-il ainsi comme à travers champs?
pourquoy vient-il parler de la iustice, du salut des
nommes, de la remission des péchez: et puis pourquoy
parle-il de toute la Loy? Or d'une partie il
faut venir au tout: comme pour exemple, quand
auiourd'huy nous enseignerions qu'il ne faut point
garder les superstitions des Papistes et tout ce qui
a esté ainsi forgé à l'appétit des hommes: et bien
nous ne traitterions pas seulement s'il se faut abstenir
de manger chair un vendredi, de garder une
telle veille, s'il faut faire ceci ou cela: mais nous
traitterions en general, s'il est licite à un homme
mortel d'imposer loix pour assuiettir les consciences
à une servitude tyrannique. Car il n'y a que Dieu
seul qui s'est réservé ceste authorité-là d'estre nommé
Législateur, à fin que nul n'usurpe une telle dignité
en l'Eglise. Puis qu'ainsi est donc que le regime
spirituel de nos âmes doit estre prins de la
pure parole de Dieu, nous pouvons conclure alors
qu'il n'y a ni Pape ni autre de quelque qualité
qu'il soit, qui ait puissance de nous charger d'aucunes
loix, ne qui doive attenter rien qui soit contre
la doctrine que nous tenons de Dieu. Nous entrerons
bien donc en ceste dispute generale, ouy bien:
mais c'est pour ce qu'il y ait une raison pareille
en tous poinct8. Si nous disputions seulement, que
c'est de manger chair ou poisson, ceste dispute là
seroit frivole: car chacun mangera selon sa santé
ou selon ce qu'il peut avoir: ce n'est pas disputer
quant au salut des âmes et de ce qui est requis
pour le repos de la conscience: mais quand nous
prenons cela, de monstrer qu'il n'est à la creature
vivante de s'eslever si haut que d'imposer loix,
ceste dispute là est toute résolue et vuidee. Aussi
quand on dira qu'en barbottant des patrenostres
pour se racheter de ses péchez: en courant en un
pèlerinage pour prendre là ce qu'on appelle en la
Papauté oeuvres de supererogation, c'est à dire
quand les hommes font plus que Dieu leur commande,
qu'ils se rachètent, et luy donnent quelque
recompense des fautes qu'ils ont commises : et bien,
si nous parlions simplement des pèlerinages, et que
nous ne vinssions pas au fondement et à la source,
ceste dispute là seroit froide et maigre: mais quand
nous traittons que toute nostre satisfaction est en
ce qui nous a esté acquis par la mort et passion
de nostre Seigneur Iesus Christ, et puis que Dieu
desavoue tout ce qui a esté controuvé par nous, et
qu'il veut estre servi en obéissance.
Voilà comme nous déduisons la cause ainsi qu'il
appartient. Et pouvons prendre une conclusion
toute certaine. Ainsi en a fait sainct Paul. Car
il n'a point regardé seulement à ce que les Iuifs
disoyent, qu'il se faloit abstenir de manger de la
chair de pourceau, qu'il faloit garder une telle feste
et ce qui estoit des ceremonies: mais il a regardé
pourquoy ils le disoyent: c'est qu'ils pretendoyent
de monstrer que ceste observation de la Loy estoit
nécessaire à salut: et c'estoit un lien de servitude
sur les consciences qui estoit insupportable: après
il voyoit que la liberté qui nous a esté acquise par
nostre Seigneur Iesus Christ s'aboliroit: et c'estoit
encores un second poinct qui le contraignoit de
entrer en telle dispute: mais le principal qu'il traitte
ici, c'est que ceux qui vouloyent qu'on gardast les
ceremonies, entendoyent que c'estoit un service
agréable à Dieu, et de telle importance qu'on acqueroit
par ce moyen iustice et salut: bref que
c'estoyent autant de mérites. Or sainct Paul declare
qu'il est impossible que les hommes acquièrent
iustice devant Dieu par leurs oeuvres. Nous voyons
donc maintenant pourquoy il traitte en general
que nous ne.pouvons pas estre iustifiez, combien que
ses adversaires ne prétendissent sinon que la Loy
ceremoniale fust gardée, et que tousiours on continuast
comme devant la venue de Iesus Christ à
sacrifier et faire le reste qui estoit des ombrages et
figures anciennes. Et par cela aussi voyons nous
quelle sottise c'est quand les Papistes pensent estre
eschappez en disant que sainct Paul ne parle ici
que des oeuvres de la Loy, et non point des oeuvres
morales. Il est vray qu'ils ne sont pas les
premiers autheurs de ceste reverie. Car le diable
a eu des supposts de tout temps qui ont abusé le
peuple: et aussi il ne se faut point arrester à l'authorité
des hommes, et surtout de ceux qui n'ont
eu ni pieté ni crainte de Dieu: combien qu'ils ayent
esté renommez de grand sçavoir, si est-ce neantmoins
qu'il y en a eu beaucoup qui ont esté des
moines fantastiques qui iamais n'avoyent gousté