commentariüs in epistolam pauli ad corinthios il - Archive ouverte ...

395 SER:
et puis la vérité de l'Evangile luy est si précieuse
qu'il ne veut point qu'on espargne nulles creatures:
comme mesmes nous avons veu que sainct Paul a
déclaré que nous devrions tenir les Anges pour
maudits s'il estoit possible qu'ils nous destournassent
de la pure doctrine: que nous les devrions reietter
et avoir en detestation. Et pourquoy donc cercherons
nous de complaire aux hommes mortels, quand ils
voudront desguiser la pureté de l'Evangile, et qu'ils
y voudront mesler de leurs propres inventions: et
l'ayant desia fait, ils voudront assuiettir nostre
Seigneur Iesus Christ pour demeurer en possession
de leurs erreurs: faudra-il là quitter la place?
Malheur sur une telle concorde: car elle sera
tousiours maudite de Dieu. Ainsi donc que nous
apprenions d'avoir ceste magnanimité et constance,
quand nous sommes asseurez que la querelle que
nous maintenons est de Dieu, de ne point estre
esbranlez pour nulle grandeur ni hautesse de ce
monde. Voilà en somme ce que nous avons à
retenir.
Or cependant aussi nous voyons quelle est la
sottise des Papistes, et combien ce vilain a esté
effronté eu B'exemptant de toute correction. Quand
le Pape se veut fort magnifier, il se dit successeur
de sainct Pierre. Or cependant si ne veut-il point
s'assuiettir à nul chastiment. Il dit qu'il luy appartient
de corriger tout le monde : mais qu'il n'est
point licite de s'attacher à luy. Et dont vient
ceste exemption là? car s'il pretend de tenir le
lieu de Pierre, nous voyons ici l'opposite. Pierre
a esté reprins et l'a souffert et mesmes a passé condamnation
volontaire, se voyant conveincu. Puis
qu'ainsi est, il faut bien conclurre qu'il n'y a dignité
en ce monde comment qu'on la colore, qui ne soit
tousiours suiette à la parole de Dieu, et autrement
que seroit-ce? que nostre Seigneur Iesus eust eslevé
seulement des idoles en son Eglise sous le titre et
l'ombre de Pasteurs, et qu'il leur soit licite de reprendre
et redarguer, et mesmes de corrompre et
falsifier tout, et cependant que nul n'en sonne mot.
L'Eglise de Dieu seroit faite comme une estable à
pourceaux: elle seroit infectée de toute vilenie, et
n'y auroit point de remède. Notons bien donc que
Dieu ne veut point qu'il y ait preeminence en son
Eglise, qui empesche que tousiours la parole de
Dieu n'ait son cours, et qu'elle ne soit pour brider
tous ceux qui sont en quelque supériorité par
dessus les autres. Car il faut que nous escoutions
nostre Seigneur Iesus Christ, et qu'il ait la maistrise
qui luy a esté donnée de Dieu son Père, à
telle condition qu'un chacun se renge au dessous
. d'icelle, et que nous ne prétendions point d'en avoir
aucune exemption. Voilà ce qui nous est monstre
en la personne de sainct Pierre.
D'autre part, nous voyons aussi comme les
ONS , 396
fautes commises se doivent redarguer, c'est à
sçavoir devant tout le monde, et non pas seulement
en cacheté, ce qui est aussi bien notable: car il y
en a beaucoup qui voudroyent faire des scandales,
et après avoir troublé tout, qu'on leur dist seulement
en l'aureille qu'ils ont mal fait. Car voici
la théologie commune, O comment? n'est-il pas
dit qu'on reprenne chacun à part? Eaut-il qu'un
homme soit ainsi diffamé quand il aura failli? Ouy
bien s'il avoit offensé en sorte que cela n'engendrast
point de trouble en toute l'Eglise : et notamment
aussi nostre Seigneur Iesus Christ met ceste distinction
la, que si quel un a failli, et que ie le
sache, que ie le corrige entre luy et moy: mais
quand il y a des fautes toutes notoires et patentes
et que cela seroit cause d'amener mauvais exemple
s'il n'estoit remonstré, alors il ne faut plus tenir
cest ordre de souffler en l'aureille secrètement:
mais que la faute soit condamnée comme elle le
mérite, et que les autres y prennent exemple. Et
cela doit estre entendu non seulement des personnes
privées, mais de ceux qui sont les plus
hauts en dignité, car il faut qu'ils monstrent le
chemin, comme S. Paul aussi notamment en l'autre
passage à Timothee veut que ceux qui ont failli,
encores qu'ils soyent des Pasteurs qui ont la
charge d'enseigner le troupeau et de le gouverner,
que ceux-là soyent reprins devant tout le monde.
Ainsi l'a il maintenant pratiqué en la personue de
Pierre. Car d'autant que le péché estoit plus
grand et plus enorme, et qu'il pouvoit engendrer
plus grand trouble en l'Eglise, pour ce que c'estoit
comme pour ruiner l'Evangile, d'autant qu'il y
avoit encores de l'infirmité en beaucoup, S. Paul
voit bien qu'il faut que S. Pierre soit redargue et
le fait : voilà donc ce que nous avons à retenir
quant à ceste procedure. D'autre costé nous voyons
aussi la modestie de Pierre, il luy avoit esté dit
par la bouche de nostre Seigneur Iesus Christ
qu'outre son nom ordinaire de Simon, il seroit
appelé Pierre, pour la fermeté de sa foy. Il estoit
excellent entre les Apostres; neantmoins si est-ce
qu'il baisse la teste et plie le col quand il voit
qu'il a failli, et ne fait point bouclier de ce degré
d'honneur auquel il estoit: seulement il regarde,
puis que la parole de Dieu nous est donnée pour
nous corriger, qu'il faut bien s'y assuietir, si nous
ne voulons estre rebelles contre celuy qui en là
'fin abbatra tout l'orgueil du monde. S. Pierre
donc voyant qu'il n'y a rien meilleur que de
recevoir chastiment, quand on aura commis quelque
faute, s'accorde à ce qui luy est remonstré par
sainct Paul.
Or quand nous aurons bien considéré toutes
ces choses, nous avons ici une histoire bien profitable.
Car d'un costé nous voyons comme chacun