commentariüs in epistolam pauli ad corinthios il - Archive ouverte ...

387 SERMONS 388
à cela, les Apostres ont déclaré qu'ils ne vouloyent
nullement contredire à une telle vocation, pour ce
qu'elle estoit authentique, comme venant de Dieu.
Or ici nous voyons encores mieux comme tous se
doivent renger en obéissance, à fin que rien n'empe8che
que la parole de Dieu ne soit une bride^et
un ioug, pour nous tenir tellement que nul ne
suyve ses fantasies, ses appetis et affections: mais
que nous souffrions d'estre conduits et gouvernez
sous la main de nostre Seigneur Iesus Christ. Or
s'il n'a point esté licite aux Apostres de reietter
sainct Paul, pour ce qu'il avoit esté envoyé du
ciel, que sera-ce de nous? Ne sera-ce point une
arrogance diabolique, quand nous ne pourrons
souffrir que la police et l'ordre que Dieu a establi
en son Eglise soit inviolable? et que nous voudrons
changer les vocations à nostre appétit: eslever et
mettre bas, selon que nostre folle cervelle le portera?
Quand donc nous voudrons faire un tel trouble en
l'Eglise, n'est-ce pas comme si nous voulions arracher
le soleil du ciel en despit de Dieu?
Voici donc ce que nous avons à retenir, c'est
que la police de l'Eglise est ordonnée de Dieu, et
que ceux sont pleins d'une présomption diabolique
qui taschent d'y rien changer: et faudra en la fin
que tous ceux qui s'eslevent ainsi tresbuchent en
ruine: mais quant à ce que sainct Paul a esté envoyé
entre les Payens, notons que ce n'a pas esté
pour changer ce qui avoit desia esté prononcé par
la bouche de nostre Seigneur Iesus Christ, quand
il avoit dit à ses Apostres, Allez, preschez l'Evangile
par tout le monde. Il Bembleroit bien de prime
face qu'ici il y eust changement et contradiction,
pour ce que sainct Paul est envoyé d'un costé, et
sainct Pierre de l'autre. Mais le tout s'accorde
très bien: pour ce que nostre Seigneur Iesus n'avoit
point parlé à chacun de ses Apostres, pour dire,
toy Pierre tu iras par tout le monde, tu circuiras
toute la terre pour prescher mon Evangile, toy
lean, tu feras le semblable, et des autres ainsi
consequemment. Mais il dit, vous tous que i'ay
ordonnez, allez publier mon Evangile partout: et
quand il donne ainsi ceste commission en general,
cela n'empesche pas que l'un ne tire d'un costé et
l'autre d'autre, et que chacun ne s'employe là où
Dieu luy monstre le chemin et là où il luy donne
accès: comme aussi ils ont tasché de s'employer et
en la vie et en la mort à cela. Mais au reste il
y a une commission speciale donnée à sainct Paul
de venir en regions plus lointaines, là où il n'y
avoit point une telle multitude de Iuifs. Il est
vray que partout où sainct Paul est venu, qu'il a
présenté la doctrine de l'Evangile par toutes les
Synagogues des Iuifs, tellement qu'il estoit bien
leur Apostre: mais cela n'a pas empesché qu'il ne
fust ordonné pour les Payens, qu'il ne jportast
l'Evangile par tout le monde, voire là où auparavant
Dieu n'avoit point esté cognu, là où il n'y
avoit eu nulle clarté de bonne doctrine : nulle loy
ne religion. Sainct Paul donc a esté envoyé principalement
à cela.
Or puis qu'ainsi est, maintenant quel degré
de primauté prétendra le Pape sous ombre que
sainct Pierre (comme il dit) a esté Evesque de
Rome? Il est vray que ce ne sont que fables de
ce qu'on dit que sainct Pierre a esté à Rome, et
qu'il en a esté EveBque: ce sont autant de badinages.
Mais prenons le cas qu'ainsi fust, si est-ce
que suyvant ce que i'ay desia dit, la vocation de
Pierre a esté speciale pour les Iuifs. Il faudroit
donc que le Pape, prétendant d'estre successeur de
sainct Pierre, fust Evesque des Iuifs, et que sa
primauté ne s'estendit que iusques là: car de sainct
Paul, il est bien certain qu'il n'a point esté Evesque
de Rome, et qu'il n'y a point esté, sinon quand il
y fut mené prisonnier, et ne sçait-on pas s'il y a
demeuré ou non: mais il est vray-semblable qu'il
en a respondu pour sa vie. Le Pape donc ne se
peut pas vanter qu'il ait succédé à sainct Paul en
cela. Et aussi quel privilege peut avoir la ville de
Rome, et quelle dignité pretendra-elle pour dire
que les Apostres de nostre Seigneur Iesus Christ
ont là esté, sinon que c'est une caverne de brigands,
et que les serviteurs de Dieu ont là esté meurtris?
Ainsi donc notons bien ce passage, quand sainct
Paul declare que sainct Pierre a esté ordonné pour
les Iuifs, et que luy a esté envoyé vers les Payens,
que d'autant que ceste doctrine nous compete expressément,
que nous devons estre plus incitez à y
profiter: vray est que la doctrine des autres Apostres
nous est commune aussi bien : car nostre Seigneur
Iesus Christ veut estre ouy quand il parle, soit par
la bouche de Pierre, soit par la bouche de lean:
car tous sont instrumens de son Esprit, et ne faut
point que nous discernions entre les personnes.
Mais quoy qu'il en soit, si est-ce que ceci nous
doit servir d'un aiguillon pour nous poindre plus
au vif, quand la doctrine de sainct Paul s'adresse
à nous. Et puis que Dieu l'a choisi pour amener
les poures Payens, ceux qui avoyent esté retranchez
de son Eglise, qu'il les a voulu attirer par le moyen
de sainct Paul, il est certain que cela nous doit
tant plus donner de courage : veu qu'il s'est efforcé
de retirer les poures incrédules des ténèbres d'ignorance
où ils estoyent, et qu'il s'est adressé là principalement:
c'est à dire à nous qui ne sommes point
descendus" de la race des Iuifs, selon la chair.
Cependant toutesfois cognoissons que Iesus Christ
veut estre tellement escouté de nous, qu'il ne faut
point avoir esgard, ni à Pierre, ni à Paul, ni à
laques, ni à lean, ni à rien qui soit. Contentonsnous
d'avoir le maistre qui nous est donné de Dieu