commentariüs in epistolam pauli ad corinthios il - Archive ouverte ...

319 SERMONS 320
ayons tousiours ceste conclusion certaine, qu'il n'y
a que luy auquel il nous falle renger.
Yoilà donc comme nous serons sous la conduite
de nostre bon Pasteur, c'est si nous ne sommes
point esbranlez ne de costé ne d'autre, quand les
nommes nous soliciteront, et que chacun taschera
de nous attirer à soy, que nous ne soyons pas
comme roseaux branlans, mais que nous demeurions
fermes en la doctrine que nous aurons cognue.
Voilà comme nostre Seigneur Iesus Christ nous
advouëra du rang et du nombre de ses brebis, et
fera tousiours office de pasteur envers nous: mais
si nous faisons comme ceux qui trouvent tout bon,
et quand on leur dira qu'il n'y a que Iesus Christ
sur lequel il nous falle estre appuyez pour avoir
quelque fiance de salut, et bien, ils accepteront
ceste doctrine. Mais si à l'opposite on leur met
beaucoup de tromperies en avant, et qu'on leur
brouille l'esprit de ceci et de cela, ce leur est tout
un. Quand donc il n'y aura nulle discretion, c'est
signe qu'il n'y a nulle foy ni certitude: car il faut
que nous ayons ceste resolution-là que Iesus Christ
est le seul maistre, puis que la charge luy est
commise de Dieu son Père, et qu'aussi il s'en est
acquitté en perfection. Si nous n'avons cela, il
est certain que nous serons tousiours ravis d'opinion
et de fantasie, et qu'il n'y aura nulle foy en nous.
Et voilà aussi pourquoy sainct Paul declare que
l'Evangile qu'il a presche, est celuy que nostre
Seigneur Iesus a commande qu'on presche et qu'on
publie, et duquel il est autheur au nom de Dieu
son Père.
Puis qu'ainsi est, il s'y faut donc tenir: et par
consequent quand sainct Paul parle d'autre Evangile,
il entend le meslinge et corruption qu'on y
pourra mettre: comme s'il disoit, Tout ce qu'on
adiouste à la doctrine de l'Evangile, et qu'on y
mesle de la fantasie des hommes, et qu'on ne se
contente point de ceste simplicité-là, et qu'on en
varie, tout cela n'est que mensonge. Et ainsi, que
nous fuyons cela comme poison: car il est certain
que nul poison ne peut estre si mortelle qu'est
une doctrine fausse. Et si les hommes se gardent
naturellement de ce qui leur est nuisible pour
ceste vie caduque, nos âmes ne nous doivent-elles
• pas estre plus précieuses? Et quel soin devons
nous avoir qu'elles ne soyent point empoisonnées
par nulle tromperie des hommes? En somme que
nous sçachions si tost qu'on fera quelque addition
à la pure doctrine de nostre Seigneur Iesus Christ,
que c'est autant de fausseté: car il ne veut point
seulement estre tenu comme principal, mais il faut
qu'il demeure luy seul sans compagnon, et que
tous ceux qui enseignent soyent premièrement ses
disciples, que celuy qui parle en l'Eglise ne propose
rien de son propre, ne de ce qui aura esté
forgé en la boutique des hommes: mais qu'il se
monstre estre vrayement disoiple de nostre Seigneur
Iesus Christ, et que nous soyons tous enseignez en
son authorite: voilà pour un item. Et pour le
second, il faut que nous sçachions ce qui est contenu
en l'Evangile. Car si ce mot trotte en la
bouche de chacun, et que cependant sous ce mot
de l'Evangile, on nous face à croire que vessies
sont lanternes (comme on dit), et que sera-ce?
Qu'est-ce que nous aurons gaigné que l'Evangile
ait un titre si honorable entre nous, qu'on dise,
C'est la pure vérité de Dieu, à laquelle toutes
creatures se doivent assubietir? mais il faut que
nous cognoissions quelle est la substance, que nous
sçachions que le Fils de Dieu est descendu ici bas
pour nous conduire à Dieu son Père, à fin que
nous cognoissions comment il veut estre adoré de
nous: et puis, que nous sçachions quelle est la
volonté de Dieu, pour y renger toute nostre vie:
que nous n'inventions point un service à nostre
appétit et à nostre poste, mais que nous luy rendions
l'obéissance qu'il demande et approuve sur
tout. Et puis que nous cognoissions combien nostre
condition est miserable, si nous voulons cercher
nostre salut en nous, car il n'y a qu'ignorance,
infirmité, faiblesse, mesmes qu'il n'y a que rebellion
et cupiditez meschantes: que (bref) nous sommes
detenus sous les liens de Satan, qu'il nous traine
comme poures bestes, comme des asnes ou des
boeufs qui sont vendus: et que si nous desirons
d'estre affranchis d'une telle captivité et tyrannie
si horrible, qu'il nous faut venir à Dieu seul, sçachans
que c'est luy qui est la fontaine de tout bien.
Et au reste, pour ce que nous ne pouvons
approcher de Dieu, que nous venions à nostre
Seigneur Iesus Christ, lequel est descendu à nous:
et que nous cerohions en sa plenitude tout ce qui
nous fait défaut, et que nous mettions là toute
nostre fiance: que nous n'ayons point autre adresse
que luy, ni autre iustice, ni autre saincteté et perfection:
mais qu'estans anéantis en nous mesmes,
nous ne laissions point neantmoins d'espérer qu'il
nous conduira à Dieu son Père: que nous cognoissions
aussi par quel moyen il nous iustifie:
c'est à sçavoir par le sacrifice de sa mort et passion.
Et puis quand nous venons prier Dieu, que nous
venions à luy comme à nostre advocat, à fin qu'il
porte la parole pour nous. Voilà donc ce que nous
devons sçavoir de l'Evangile, c'est qu'il n'y a qu'une
seule Loy, à laquelle il nous falle reigler nostre
vie : que nous ayons une certaine creance, que nous
cognoissious le Dieu lequel il nous faut servir et
adorer. Apres que nous le contemplions en la personne
de nostre Seigneur Iesus Christ, qui est sa
vraye image^ que nous n'ayons autre obiect que
Iesus Christ: que toutes nos pensées s'adressent là,