Télécharger au format pdf (2,6 Mo)

Car èro fouesso las, bèn que gros trabailhaire.
Auriet vougu dourmir; mais un maudich Mouissoun,
Flèou doou terraire,
Cousin-zoun-zoun lou zounzounaire,
En li vioulounan sa cansoun
Et lou boustigan de tout caire,
Lou teniet revilhat et... li fichavo un caire.
Benet, coumo soun noum va dis,
Ero un santoun doou Paradis;
Auriet, santaliment, pas caussiga uno mousquo;
Mais l'assassin,
Coumo un oursin,
A grands cooups d'aguilhoun li fet venir la fousquo.
— Zoun-Zoun-cousin,
Ai lou pegin,
Fet Benet, garo à tu se moun mourbin espousquo,
Vais-tèn, laisso-mi de repau!
Trufarèou d'aquestou prepau,
Zoun-zoun, sènso cessar sur soun sèn zounzounavo,
Et de plus bello lou saunavo;
Aviet bèou lou couchar, de longo reveniet
Et de longo lou repougniet.
Lou repougnet bèn tant que la santo bounasso
Doou Mèissounier,
De guerro-lasso
Dounet sa plaço
A l'enrabiado brefounie;
Benet si drèisso et pan!... de sa grosso manasso
Li boujarro un bassèou sènso mai resounar
Et li lèvo l'envegeo, ensin, de zounzounar.
Meritarien de tallèis arrhos
Lèis escrivans empèsto-narros,
Que quand si metoun à blagar
V'en poudèz plus desempegar.
Avèz bèou dire, avèz bèou faire,
Vous tartiflegeoun de tout caire,
Et, maugra vouestrèis gramacis,
soun de tambourins de Cassis:
Finissoun jamais soun aubado;
En toutis fan sa reguignado...
Meme espragnoun pas lou Bouen Dieou!
Ah! s'éroun èici li dirieou:
— Marrido lingo,
Maudich cousin
Qu'à cooups d'esplingo
Tues toun vesin;
Michant, regardo
Ount'es que vas,
Et prènds bèn gardo
En ce que fas...
La Prouvidènci
A sa vengènci:
Dieou pago tard,
Mais pago larg!
Enfin, Messieurs, voilà cette langue honnie,
Que l'on dit aux abois, mourante, à l'agonie.