Télécharger au format pdf (2,6 Mo)

Va boutarai dins ma bassaquo;
Quand li serai couchat dessus,
Risquo rèn que degun li fague de pessus...
Vague! Tant-fa tant-va, v`escounde dins sa pailho.
De poou que lèis voulurs li prengoun soun tresor,
Lou va vèire cènt coups; li pènso quand trabailho
Quand mangeo; en penequan ravo encaro à soun or.
Martin lou fouligaud canto plus la ripailho;
Vèn tristé, pensatieou, rampignous, marfisènt;
Se lou mistrau li fa crenilhar sa sarrailho,
S'un garri fa de brud, li prènoun soun argènt!...
(Tant es verai que l'allegresso N'es pas sorre de la richesso!)
Martin, las de fouignar, pouarto soun sac d'escus
Au Banquier bèn countènt, que reveilhavo plus,
Et lidis: — Dieou s'assiet! Moussu, vous vèni dire
Qu'eme voustrèis arbies m'avès leva lou rire:
Canti plus, mangi gaire et mèis souens soun pas francs.
Senti que serieou toujours pire,
Reprenèz vouestrèis très cents francs!
Pople, counsole-ti, la joyo vivo et franquo
Si vènde pas pèr d'or ni de billhets de banquo:
Quand la counscienco es netto et qu'avèm la santa.
Sarquèm plùs lou bouenhur, car l'avèm agantat.
(Le Lion, Le Loup et Le Renard)
LOU LIEN, LOU LOUP ET LOU RÈINARD
Un Lien fèble et malaut, pèrce qu'aviet troou d'iagi,
Coumo Rèy, fet venir toutis sèis gènts de cour
Et demandet counsèou pèr aver soun secour.
Cadun siguet d' avis de faire un grand messagi,
Pèr dire èis medecins de touis lèis animaux
Que venguessoun en diligènci
Vèrs lou Rèy, de poou que sèis maux
S'encagnessoun pèr negligènci.
(Lou vieilhun si garisse pas,
Disien; mais, quand un Rèy coumando,
Dire noun es un marrit cas...
Adounc fau supplir sa demando.)
Subrau lèis medecins courroun de tous coustas:
Grands, pichouns, jouves, vieilhs; n'en vèn de touto meno;
Atou dèis breguetians l'espèci si demeno
Pèr l'hounour de sauvar lou sire doou trepas
(Souvènt lèis plus daruds fan lou mai de tracas.)
Lou mègi Loup vesèn que lou Rèinard manquavo,
S'aviset de faire uno cavo.
Dins l'espero d'aver la pratiquo doou Rèy
Denounciet lou Rèinard (à ce que mi parei,
V'aviet fach d'autrèis fes, car èro de la cliquo
D'aquelis medecins que quistoun la pratiquo);
Dis au Lien: — Sire, avèm apres
Que lou Rèinard vèn pas pèrce qu`a de mespres
Pèr vouestro pèrsouno Rèyalo.
Alors lou Rèy mandet sa gardo natiounalo,
Et dounet l'ordre au courpourau