Télécharger au format pdf (2,6 Mo)

Et se li poudèm arribar,
Se fenissèm pèr l'arrambar
A cooups de quèirouns, sènso fauto,
Siam seguros de lou crebar;
Car sa carcasso es vieilho et fau que siet blesido.
Se l'amoussam pas lèou nouestro tèrro est roussido:
Fau que lou mounde entier marche contro aquèou flèou.
Et maugra tant de brams lou bounias de Soulèou
Eis Granouilllos descadranados
Dounavo lèis sesouns, reglavo lèis annados,
Et laissavo enrabiar lèis poples senso quouets
Qu'à forço de bramar gagnoun lèis mausencoues.
Dins lou tèms que la Prouvidènci
(Aquo chasque jour va vesèm),
Pleno de boumta, de prudènci,
Nous fa, nous acclapo de bèn;
L'home de tout rèng, de tout iagi,
La maudisse mai que d'un viagi,
Et pamens sènso s'alassar,
Bèn que li fèm toujours la guèrro,
Nous souffre tant que siam sur tèrro...
Mais, garo après lou trepassar!!!
(La Ligue des Rats)
L'ALLIGANÇO DÈIS GARRIS
Uno Rato aviet poou d'un Gat
Que la teniet d'amen sèmpre sur soun passagi.
Que faire contro aqueou mangeaire devagat?...
Va troutar soun vesin, que passavo pèr sagi,
Èro un vieilh moustachut, bèn nourrit, bèn lougeat;
Garri fier, décourat d'une longo quouet griso,
Et qu'aviet gagna sa mestriso
Bèn tant èro esta coussegeat:
Mais fouesso fanfaroun et que s'en fasiet crèire.
Nouestro Rato, adounc, lou va vèire
Et li conto sa poou. — Vesino, creiguèz rèn!
Li respouende subran lou Garri;
Se vous voou faire quauquarèn,
Quittarem la crotto, l'armari,
Et, pèr far fugir lou coussari,
Touto la natien s'armarèm
Per yeou creigni ni Gats, ni Gatos,
Ni cooups de dènts, ni cooups de pattos,
Ni ratiero, ni trebuquet.
Vau serquar nouestrèis gènts que soun à la despenso;
Et catacan prendrem toutis vouestro desfenso.
Ensin parlet lou farluquet,
Et la Rato, un pauc plus countènto,
Creset d'èstre sauvado... ô, la pauro inoucènto!
Quand un bèou-disur proumettra,
Se voulèz pas courre bourrido,
Coumptas sur ce que vous dira
Coumo sur la plancho pourrido.