Télécharger au format pdf (2,6 Mo)

Aquestou voulentier l'auriet troussa lou couelle;
Mais qu'es qu'auriet gagna?.. de far rire lèis génts!
Adounc, à soun mourtbin mettèn uno cadeno,
Si reviro et li fa: — Moun ami, t'es degu
Lou prés de toun trabailh; vieou que prènes de peno;
Bèn que sieou paure, tè, prènds aqueou miech escu,
Pouedi pas mai dounar. Mais regardo aqueou riche
Que marcho eme sèis gènts et que vèn de passar,
Fais lèou, coussegeo-lou coumo s'aviez lou fiche,
Manquara pas, segur, de ti recoumpensar,
Car a fouesso d'arbies. L'autre prenèn la cavo
Argènt coumptant, li courre et vague de mandar
L'amiravo tant bèn que jamais lou manquavo.
Mais lou richas subran n'aguet qu'à coumandar:
Cinq vo sieix grands varlets empougneroun lou fouell
Et lou zouberoun tant à grands cooups de bastoun,
Que li feroun venir tout son paure corps mouelle
Et toumbet, quasi mouart, aquito en un cantoun.
Lèis michants que de longo au prouchèin fan la guerro,
Soun bèn de fouels, à moun avis!
Si privoun doou bouenhur lou plus grand de la tèrro:
Aqueou de si faire d'amis.
Quand, pèr vouestre guignoun, v'escupoun sa malici,
Gardaz-vous de vous revengear,
Car li gagnariaz rèn: courrez à la justici,
Ello lèis saura gaubegear.
(Le Soleil et Les Grenouilles)
LOU SOULÈOU ET LÉIS GRANOUILHOS
Lou grand calèn d'aquestou mounde,
Que sènso que l'abrèm fa lume tout lou jour,
Et que se l'aviam pas seriam, en plen miejour,
Dins un glas souloumbrous mounte tout si marfounde;
Lou soulèou (virouyem pas mai)
Èis poples bramarèous que li dien lèis Granouilhos
Fasiet de bèn tant-et-puis-mai,
Bèn que foussoun rampins et touis plens de garrouilhos.
Quand l'hivèr arribavo eme sèis gros nieoulas,
Lou bouen Soulèou lèis regardavo,
Quasi mouartos lèis revioudavo,
Et l'escooufavo sèis sagnas.
Et puis quand lou printèms veniet sur la naturo
Samenar soun aigagno et sèis tèbos calours,
Li fasiet crèisse ha vèrduro
Touto endimenchado de flours.
Es verai que l'estieou lèis sagnas si sequavoun:
Mais n'avèm jamais tout... (Sabèm.
Que sur la tèrro l'a mai de mau que de bèn),
Alors lèis Granouilhos cridavoun,
Contro lou Soulèou charpinavoun
De longo, lou jour et la nuech:
— Nous voou far mourir dins lou fuec!
Fèm vite uno tourre bèn hauto,