Télécharger au format pdf (2,6 Mo)

Faire ce que si fa que dedins la sourniero,
Coumo se degun lèis visiet,
Viravo la tèsto et disiet:
— S'èri mèstre de la pouliço
L'agantarieou l'habit en li dian. Aném, isso,
Eme yeou marchaz oou viouloun!
Et nen auriet vite un mouloun.
Sur tant de pourcaries, bèn que fousse sauvagi,
Quand preniet lou mourbin, ma fisto, èro bèn sagi!
Mais souvènt si troumpavo, et l'a rén d'estounan.
Aimavo leis jardins, un bèou jour, en l'anan
Viguet lou jardinier Tounin que rebroundavo
Un amourier, pèr lou far bèou,
Et puis soun pitouet que poudavo
La trilho davant lou castèou.
— Mais pèr que leis coupaz? li diguet lou sauvagi
Que counèissiet deja l'us de nouestre lingagi;
Tounin, en que pensaz de rougnar tout aquo?
Crèsi que pèrdèz lou coco!
Laissaz dounc faire à la naturo;
Se l'anaz gastar sa vèrduro
S'encagnara, vous dounara plus rèn:
Vouestre mèstre eme vous sabi pas que vous prend!
Alors li fagueroun coumprèndre
Qu'aqueou bouesc que veniet tant haut
Suçavo fouesso sènso rèndre,
Que l'aubre, enequelit, n'en toumbariet malaut,
Et qu'à la fin mourriet sec coumo de brouquettos
Pèr l'aver pas vougu coupar quauquèis branquettos.
Alors diguet: — Coumpres! Mais s'en fouliet de bèn
Que sachesse menar leis auhres ni lou bèn.
Fet coumo aquelèis gènts que d'abord vous dien: — Basto
Nen sabi tant que vous! De retour dins sa casto,
L'Endian vouguet tambèn rebroundar sèis jardins.
Coumando èis jardiniers de prèndre sèis picossos,
Et vague de tailhar branquos pichounos, grossos;
Auriaz dich que lou tron l'aviet passa dedins:
Fet poudar tout à mouart. Sèis aubres perisseroun
Et sèis paysans lou madisseroun.
M'en souvèn qu'en quatre-vingt-noou
Lèis refourmaires de la Franço,
Enemis de la vieilho usanço,
Vougueroun tout faire de noou.
Garderoun ni pes ni mesuro,
S'embrounqueroun dins fouesso cas,
Puis s'entourneroun sur sèis pas
Pèr laissar garir la blessuro.
Mais lèis regrèts rèstoun èis couars!...
An agu bèou dire et bèou faire,
An revieonda degun, pecaire,
Et lèis mouarts soun estas bèn mouarts!
Pople, quand l'estèvo es de caire
La rego va tout de travès:
Aquello estèvo, va sabèz,
Es la lèi de Dieou nouestre paire!