Télécharger au format pdf (2,6 Mo)

Car sèis troumpos jamais s'alassoun
Tant que la fam si fa sentir...
Vais, vais, lèis fagues pas partir!
Quand certèn maigre menistèri
Vèn, en dian que fara l'empèri,
Que renèm vo que gemissèm,
Eme d'or fau que l'engraissèm;
Drès qu'es bèn gras, crac, nous lou changeoun;
Alors, pèr que lèis nouvèous mangeoun,
Li fau mai d'argènt à couffin,
Et de longo aquoto es ensin...
Bèn luench que lèis cavos s'arrangeoun:
Adounc, Iou mau n'a ges de fin.
(La Forêt et Le Bucheron)
LA FOURÈST ET LOU BOUSQUETIER
Desempuis qu'aviet rout son manche de picosso,
Miquèou, lou bousquetier, poudiet plus trabailhar,
Et laissavo pauvar la fourèst et sa rosso,
Car fasiet plus que busquailhar.
Adusiet quauquèis fais de pichounèis branquettos
Coumo de paquets de brouquettos:
Adounc l'Ai s'en troubavo bèn,
Coumo v'ai dejà dich, et la Fourèst tambèn.
Pamens, mèstre Miquèou vesèn que l'ourdinari
Si sentiet d'aquèou long repau,
Va troubar la Fourèst et, coumo un fin coussari,
Li tèn estou pietous prepau:
— Mi duvriaz bèn dounar ce que m'es necessari!
Moueri de fam; gagni tant pauc
Que n'ai plus rèn dins moun armari.
Laissaz-m'emmanchar ma destrau,
Boutaz, vous farai ges de mau;
Prestaz-m'uno pichouno branquo
Pèr faire l'ooutis que mi manquo;
M'eu anarai far moun mestier.
Segur, dins un autre quartier
La Fourèst, qu'èro boueno et qu'aviet ges de vici,
Laisset prèndre un barroun pèr li rèndre sérvici;
Mais, pas plus lèou lou gus aguet mai soun ooutis
Que la pauro Fourest recounèisset sa fauto:
Rouves, piboulos, pins; jouves, vieilhs, tout li sauto.
La mesquino aguet bèou plourar, jittar de cris,
Viguet despouderar sa plus bèllo vèrduro:
Miquèou, lou mouestre de naturo,
La boutet touto eu archipoue.
Et lou paure Ai, cargat de la tèsto à la quouet,
En renourian disiet: — Maudicho ingratitudo,
Meritariez d'èstre pendudo!!!