Télécharger au format pdf (2,6 Mo)

Pèr mi faire passar lou tèms.
Ha! n'aguet proun de dich: subran la caquetiero
Si bouto à pachouquar, bargeaquo et messoungiero
Coumo un derrabaire de dènts.
Sur tout douno counsèou, sur tout dis sa petado:
Ooublidan meme lou respèct,
Davant l'Aiglo, qu'èro enfetado,
Ello sarravo plus lou bèc.
La Rèino dèis ooussèous siguet vite embounido:
— Anem, li fet, Margot, ma patienço es au bout;
Sies uno empèsto-narro, as charra dessus tout
Et vesi que ta chaito es pancaro fenido:
Vais-t'en dedins toun nis, vo bèn,garo à ta vido!
N'avèz pas counèissu, v'aulrèis, d'aquelèis gènts
Que coumo la Margot, quand un cooup despastèlloun,
Tambourins de Cassis, blagoun, vous encervèlloun?
Yeou nen counèissi quauquèis cènts,
Que se l'adrèissaz la paraulo
Es finit, aussoun la cadaulo
Et coumo de moulins viroun de touis lèis vènts.
S'aumens li poudiaz faire entèndre
Que vaus fichoun un caire eme soun parlament;
Mais fan semblan de pas coumprèndre...
Fan l'oremus tant long que jamais dien: amen!
LOU RÈINARD, LÈIS MOUSQUOS ET L'HERISSOUN
(Le Renard, Les Mouches et Le Hérisson)
Un Rèinard, dins l'estieou, blessat pèr un cassaire,
Matrassat, tout saunous, couchat dins un fangas,
Maudissiet de bouen couar l'animau tant suçaire
Que dins lou gros doou caud pèrtout bouto soun naz,
Et, coumo tau rimaire, souvènt nous ficho un caire:
Lou paure, èro agarrit pèr lèis Mousquos, pécaire!
— Au diable! li fasiet, mi bugues pas moun sang,
Bestiari de malhur, que vives qu'en suçant:
Laisso-mi de repau, vilèn empèsto-narro.
Sies heroux que ma quouet poou gaire vanegar,
Se noun m'en sèrvirieou commo s'èro uno barro
Sur ta negro carcasso afin de t'ensuquar,
N'ai pas proun de moun mau, fau qu'encar tinourrissi?
L'Herissoun en passant li fet: — Vouestro malici,
Fraire Rèinard,es justo; aussi que vous fachaz
Contro lèis Mousquos; leis couchaz
Et sèmpre vènoun mai. Sèmbloun cèrtens mangeaires,
Ventrus, bèou disurs, flatejaires,
Que pèr rèn manquarien l'houro d'un bouen repas.
V'en vau desempachar, se voulèz, d'estou pas:
Sieou cubèrt de pounchouns, en mi vioutan sur d'elis
Vous lèis embroucharai. — Noun, noun, laisso m'aquelis,
Respoundet lou Rèinard, vènoun de bèn dinar,
Bessai m'espragnaran; se d'autros lèis remplaçoun
Lèis foudra mai far bouffinar;