Télécharger au format pdf (2,6 Mo)

(Le Renard et Le Loup)
La Fontaine nous dis: — Coussegeaz la naturo,
Fèz l'enanar tant que pourrez;
Dedins l'ooucasien, va vèirez,
Vendra mai, la cavo és seguro.
LOU RÈINARD ET LOU LOUP
Lou coumpaire Rèinard, un jour, à soun vesin,
Qu'èro un Loup bèn nourrit, disiet: — Ai lou pegin,
Coumpaire, es decida, voueli plus far la vido
Que moun paire fasiet, la passi troou marrido.
Sieou las d'aqueou tran-tran; mangi coumo un marrias,
Que de maigres poulets, que de vieilhs gaus courias
Qu'en arrisquan ma pèou cassi dins lèis bastidos:
Vais, leis cailhos, segur, mi toumboun pas roustidos
Sieou, pèr faire mèis cooups, quasi toujours coustier,
Jamais laissoun dubèrt... Apprènds-mi toun mestier!
Aumens tu dins lèis camps pouedes grattar pinedo
Quand sies pas lou plus fouart. D'aret, d'agnèou, de fedo
Ti fas tèis prouvisiens; sies pas dins l'embarras.
Et puis pèr lou diminche as de mooutouns bèn gras;
Sien de Dieou lou moucèou! vivo aquelèis ripailhos!
En tant ou mangi rèn que de maigros poulailhos...
Serai recounèissènt, apprènds-mi toun mestier,
Quand farai casso auras toujours un bouen quartier.
— Voueli bèn, fet lou Loup; mi vèn uno pensado
M'es mouart un mieou parènt la semano passado;
Anem levar la pèou de moun paure cousin,
Puis ti nen viestiras. Subran feroun ensin.
Après quauquèis liçouns, lou Rèinard, qu'a dè tésto,
Fet mau d'abord, puis mies, ot puis fet bèn de rèsto.
Alors acoumencet de cassar tout soulet:
Quand viguet l'escaboue, lou fenat, li voulet.
Pastre, chins et mooutonus en lou vian fugisseroun,
Et pèr l'assadoular un agnèou li laisseroun.
L'arrapet catacan. Mais nouestre Loup manqua
Pas luench auset la vouas d'un vieilh Cacaraca.
Subran laisset l'agnèou pèr seguir sa naturo,
Et vèrs lou galinier s'anet mettre en pousturo.
En gitan enquila soun domino de Loup
Proubet qu'es pas d'agnèous que lou Rèinard es glout.
De longo pèr mountar voulèm changear de plaço;
Ce que viam nous fa gau, ce qu'avèm nous alasso;
Mais l'home a pèr s'haussar, bello à virar fuilhet:
Lou mourtier, coumo dien, sènte toujours l'ailhet!
(L' Écrevisse et Sa Fille)
Une vieilho maire de Chambre,
Qu'èro pas vivo coumo l'ambre,
Tout en caminan de rebours,
LA MAIRE CHAMBRE ET SA FILHO