Télécharger au format pdf (2,6 Mo)

Escalo au bord dèis precipicis,
Sur lèis rocs d'uno couello, à la cimo d'un bau,
Pèr afin de mangear lou brout qu'es lou plus haut.
La Cabro es pas souletto, et l'a dedins lou mounde
Uno bando de gèns que rèn li fa tant gaud
Qu'un bèll empachatieou; soun esprit si marfounde
A sérquar lou troublo-repau.
Douis Cabros qu'èroun bèn d'aquello fouello espèço
Ensèn s'en anavoun broutar,
Et, pèr fin de si faire pèço,
Fasien que sautar, que troutar;
Drés que vesien uno hèrbo, anem, vague de courre;
Toutèis doues li voulien subran boutar lou mourre,
Si poussavoun pèr l'agantar.
Arribèroun au bord d'un gour d'aigo courrènto
Et founcho, que rageavo entre dous gros roucas;
Lou pouent pèr la passar duviet dounar de crènto,
Car èro qu'uno planquo estrecho, un marrit pas.
L'aviet de l'autre caire un prat d'hèrbo flourido;
En lou vian, toutèis doues li voueloun vite anar,
Et, bèn que la drailho es marrido,
Ensèmble tout d'un téms comptoun de caminar.
Car si voueloun pas faire plaço.
— Sémpre davant la vieilho passo,
Uno dis, adounc passarai,
Sieou toun èinèyo. — Es pas verai,
Dis l'autro, maugrabieou! ma barbo vau la tieouno,
Alluquo-la bèn, cadenoun,
Sémblo uno barbo de menoun!
L'autro repliquo alors: — As dounc pas vist la mieouno!
Sèmblo aquello dèis Liens que proumeoun souvént
Eis Allèyos, lou naz au vènt,
Et sènso argént dedins lèis pochos.
Se lou merite es dins lou pèou
Duvi passar davant, car pouarti lou plus bèou;
Mais, pèr finir taut de nicrochos,
Passem ensèm. — Passem! Alors, pèr pas bouquar,
Mettoun un pèd... puis dous... puis quatre sur la planquo,
Naz à naz, couesto à couesto, en dangier de brequar.
Mais quand soun au mitan lou caminèou li manquo,
Trebuquoun... Patafloou! si nègoun toutèis doues:
Ensin lèis gènts testards gagnoun lèis mausencoues.
Ha! va vesèm que troou, ce que vèni de dire,
Entre lèis trafiquurs, que siet pichouns vo grands,
Un pèr l'autre: — Anem! vague:... hoc, ti farai desdire,
L'as bouta trènto soous, yeou li bouti tres francs!
Quand quauquarèn va bèn, es coumo à la rapilho,
Toutis mandoun la man pèr fin de s'agantar;
Mais la couardo s'estiblo, a troou de pes, crenilho,
Et puis on bèou matin fenisse pèr petar.
(Le Cerf Malade)
LOU CÈRF MALAUT