Télécharger au format pdf (2,6 Mo)

Trabailhaz aqui pèr lèis autres.
Aquo seriet bouen pèr nous autres
Qu'avèm de que vèire venir
Touis lèis jours vous viam desglenir,
Siaz rampin, gielat coumo un maubre
Pèr pousquer jouir d'aquel aubre
Foudriet que tenguessiaz l'halèn
Quasi tant que Mathusalèm.
— A bèn mentir, fet lou Plantaire
En lèis arregardant de caire,
Mais vautres, quu vous a proumes
Que vieourez soulament sièis mes?
Vous cresèz la vido seguro
Pèr ce qu'avèz fresquo figuro!...
Mesfisaz-vous, tambèn si poou
Que de touis tres pouarti lou doou.
Se proufiti pas de l'oumbragi,
Fau pas crèire que mi n'enragi,
Mèis pichouis fieous nen jouiran,
Cade jour mi benisiran:
Ensin n'ai la joyo a l'avanço...
Et bessai vouestro houro s'avanço!
Lou sagi vieilh aviet resoun:
Un si fet l'estubo au carboun,
Seguissèn la modo nouvèllo;
L'autre s'embriguet la cèrvèllo
En toumbaut d'un gros amendier
Pèr prèndre un nis et lou radier
Mouret dins lou libèrtinagi,
Toutis tres à la flour de l'iagi.
Lou Vieilh toutis tres lèis plouret,
Puis quauquèis ans après mouret;
Dessus sa pèiro sepurcralo
Bouteroun aquesto mouralo:
La jouinesso, dins touis lèis tèms
Es estado trancho-mountagno;
Coumo a la croyo pèr coumpagno,
Si truffo doou tèms et dèis gènts,
Ris de tout, crèi de far l'emperi,
Compto de vieoure autant que sieis...
Semblo ooublidar qu'au cementèri
L'a mai de jouines que de vieilhs.
(Le Chat et Les Deux Moineaux)
Pierrot, lou Passeroun, et lou gatoun Minet,
FIN DOOU LIBRE XI.
LIBRE XII
LOU GAT ET LÈIS DOUIS PASSEROUNS