Télécharger au format pdf (2,6 Mo)

Et tout en caminan flattegeavoun sa raço.
Ensin chasqu'un dèis dous vantavo soun parie,
Esperan que l'incèns à-n-eou proufitarie.
D'aquelèis ais viam, dins lou moumde,
Lèis regaugnaires cade jour.
Doou tèms qu'un autour si marfounde
Pèr à fin de si faire jour,
D'autres, bèous chivaus de parados,
Sabèns, au dich dèis cambarados,
Si vantoun dedins lèis journaus,
Pèr esbarlugar lèis gournauds,
Que quand vesoun de bèis articles
S'applantoun, boutoun sèis bericles,
Liegeoun... dien: — Home d'esperit!
Regardaz ce qu'un tau n'a disch...
Vesèz pas que fan la magagno?
Matras! mi fèz venir la lagno!
(Le Loup et Le Renard)
LOU LOUP ET LOU RÈINARD
La Fontaino s'estouno (et segur a resoun)
Qu'Esopo à soun Rèinard doune touto finesso,
Entandooumens que l'a fouesso animaus que soun
Autant et plus fins qu'eou, car an mai de cabesso
Quand quicho lou dangier. Mais s'aqueou bouen autour
Aviet vist ce que viam èissabas chasqlle jour,
Seriet pas estounat d'aquello maliganço,
Auriet sachu qu'enkhui dins nouestro bèllo Franço
Bèn qu'un home siet pas gros lettru, proun souvènt
Pèr eou lou bouen renoum vau mai que lou talènt
Dins la fablo que vous vau dire,
Lou Rèinard si laisso enganar,
Et lou premier vous fara rire
Quand lou vèirez si talounar.
Es verai qu'à la-fin lou Loup prenguet sa plaço
Que l'autre à sèis despèns si sauvet... va dirai?..
Crèsi qu'aqueou Rèinard, à dire lou verai,
Sabiet ce que si fa v'hui dessus nouestro plaço.
En sourtent de soun negre houstau,
Un Rèinard qu'aviet fam s'enanavo, uno sero,
Pèr l'endeman matin èstre d'houro à l'espero.
Regardo dins un pous et vis peradavau
La luno que lusiet coumo dins un mirau.
— Bouen an! diguet, lou bèou froumagi!
Aquo va bèn, ai fam, nen prendrai ma pourtien.
Ma fisto, seriet bèn dooumagi
De laissar passar l'ooucasien...
Nen vau faire ma coullatien.
Alors qu'es que fa, lou mangeaire!
Subran s'agrouncho dins lou pouaire
Qu'èro adamount, si laisso anar,
Et soun pes lou fa debanar,