Télécharger au format pdf (2,6 Mo)

(La Mort et Le Mourant)
Un Vieilh, qu'aviet cènt ans passats,
Vesèn la Nouart que l'èro prochi.
Un jour? li fasiet lou reprochi
Que sèis pas èroun troou pressats,
Et li disiet: — Laido pelado,
Quand vènes, durries avèrtir
Et nous faire la rampelado,
Alors si pourriam alestir;
Car sauriam que nous fau partir.
Espero encaro uno passado:
Vies que fau fenir moun castèou.
Aro qu'ai accampa de rèntos,
Que n'en jouissieou sènso crèntos,
De mèis jours sarres lou pastèou,
Et m'esquiches la gargamèllo
Coumo un passeroun au coustèou?
Espero doune, maigro femèllo,
Agues patienço, au noum de Dieou!
Vau plantar de pins pèr l'estieou:
Quand ma pignudo sera bèllo
Maridarai moun pichoun-fieou....
— Taiso-ti, mesquino cèrvèllo,
Li fet la Mouart; preparo-ti;
Durries èstre deja partit.
L'a mai de cènt ans que t'espèri,
N'a pas tant pèr toutis de tèms.
Alluquo, n'a que fan l'empèri
Et que moueroun dins soun printèms;
Tu sies lou soulet dins Marsilho,
Ti regardoun pèr merevilho,
Et tèis desirs soun pas countènts?
Anem; car se ti voulieou crèire
Vieouries de longo: lèis passiens
N'an jamais proun sastifatiens,
Ensouvèn-ti que t'ai fach vèire
Toun sort dedins millo ooucasiens:
Duvies prèndre tèis precautiens.
Vieilh libèrtin, à tu m'adrèissi
Pèr agarrir toun laid pecat.
Facho de picoussin brequat,
Camines touert, fau que t`adrèissi.
Tèns-ti lèst, ô marrit drapèou,
Sies plus qu'a douis dets doou toumbèou.
Tènes encaro à la richesso;
Fas riboto; prèstes d'argènt
Au trènto, au quaranto pèr cènt!....
Bèn qu'as ta carcasso en destresso,
Meritaries que cade jour
Vingt cooups de nèrvi sur l'esquino
Ti fessoun passar toun amour,
Ta groumandiso et ta rapino.
Songeo que sies dins lèis barbouns,
LIBRE VIII
LA MOUART ET LOU MOURIBOND