Télécharger au format pdf (2,6 Mo)

(Le Lion, Le Singe et Les Deux Anes)
La Fontaino nous dis qu'un Lien, mounarque sagi,
Voulèn, tant que pourriet, menar sèis animaus
Eme pes et mesuro, et lèis gardar de maus,
Diguet: — De la vèrtu faguèm l'apendrissagi!
Adounc faguet venir lou singe: qu'èro magi
Dins lou saber doou bèn. (Aro n'es plus ensin,
Lou singe es lou patroun doou laire et doou couquin).
Mounino en arriban li fet: — Sur la coumando,
Sieou vengu catecan. M'an dich vouestro demando,
Sabi ce que voulèz: sènso mai de façoun,
Sire, vous vau dounar la premiero liçoun.
D'abord, pèr bèn menar la barquo,
Signour, fèz aquesto remarquo:
Fau qu'un Rèi siegue juste, alors
Saura recounouisse sèis torts.
Fau qu'enmande tout flattejaire,
Puis la croyo, qu'es lou defau
De quasi tout grand animau.
Voui, l'amour propre es un barjaire;
Nous fa dire millo avanies
Pèr far valer nouestrèis paries.
L'ignourènt seguis tal usagi
(Parli de l'ignourènt blagur),
Pèr ce qu'es un mouyèn segur
De si faire passar pèr sagi.
Et va crèirez aisadament,
Dins un moument,
Quand vou dirai sa maniganco
Touto pastado d'arrouganço.
Vous vau far vèire qu'en vantan
Lèis socis, nous n'en fan autant:
Se fèz valer vouestre coumpaire,
Vous prestara, lou sabouraire...
Un jour en pèrmenan escoutavi dous ais
Que, pèr s'espassegear, s'èroun mes en campagno,
Et que, tout en broutan, seguissien de coumpagno
Un camp plen de cardouns fouero la Pouarto d'Aix.
Fau counvenir, disiet lou plus jouve bourrisquo,
Que l'homme, si disèn tant sabènt, tant coumplit,
N'es qu'un sot presentieou; mi fa venir la bisquo
Quand dis à-n-un darud, ignourènt, abestit
Sies un ai!.. Diriaz pas que l'ai n'es qu'uno bèsti!
Siam pas tant bestis qu'eou, fraire, ti va proutèsti.
Et puis, n'es pas lou tout: quand voulèm resounar,
Cantar vo rire, alors dis que fèm que bramar!
Elis bramoun pas proun dedins sèis assemblados?
Se mi disiaz: Pèr que? pèr faire troou souvènt
De libres, de discours messoungiers, plens de vènt.
Fraire, à ta de parlar; ce que dien tèis bramados
Pouarto tort en degun, et pèr ce qu'ès doou cant
Trepasses lèis ooussèous que cantoun dins lou camp;
Car saboun que siblar; ta voix de basso-tailho
Sèrviriet de troumpetto au jour d'uno batailho.
Alors l'autre li fet: — Recounouissi dinc tu
Lèis memèis qualitas, lèis talèns, la vertu;
Estèn doou meme pèou nous vènt la memo plaço.