Télécharger au format pdf (2,6 Mo)

Dounas-li de mooutouns pèr sadoular sa fam,
De buous meme, se voou, et tout ce que demando
Se noun es lou plus fouart ot vous destrounara:
Aro que s'es fach grand la prudènci coumando
De s'en faire l'ami... bessai s'abauquara.
Aqueou Lien es bèn la pinturo
Dèis defauts d'un pichoun enfant.
Pèr pas courrigear la naturo,
Lèis parènts dien:
— Quand sera grand
Si fara brave, anaz, vesino,
Laissaz-lou faire, avèm lou tèms!
Entantou lou mau s'enracino,
Et puis vènoun lèis mautoustéms...
Castisgar lèis enfants quand coumenço soun vici,
Cresèz-vous va, parénts, es li rèndi sèrvici!
(Le Fermier, Le Chien et Le Renard)
LOU MÈINAGIER, LOU CHIN ET LOU RÈINARD
Un laire de Rèinard, groumand de la poulailho,
Mais qu'aviet pas souvènt de que faire ripailho,
Despuis longtèms d'un mas roudogeavo à l'eutour
Pèr troubar lou mouyen de faire un marrit tour.
(Ho! lou fichut vesin!... s'avieou fach de bastidos
Seriet pas prochi d'eou que lèis aurieou bastidos,
Ni mai prochi doou Loup, car soun douis francs voulurs
Que tirassoun jamais qu'espaimes vo malhurs!)
Lou fenas peginavo en ausèn lèis galinos
Que fasien cascara dintre lou galinier;
Voulentier l'auriet fach coumo un bouen cousinier
Car de la grosso fam si mourdiet lèis babinos;
Mais la poou dèis varlets, de la lequo, doou can,
Lou fasiet tenir luench d'aqui, lou boujacan!
— Ho foume! un jour faguet, sera-ti dich qu'un pantou,
Un darud de paysan, sera plus fin que yeou?
Malan! es dounc pèr rèn que m'an fach ce que sieou?
Dien que sieou fin; pamens crèbi de fam. Entantou
Lou mèstre fa d'argent dèis capouns, duis poulets;
L'aste viro et tambèn la casserolo reno
(Car mangeo pas toujours la soupo de caulets);
Et yeou doou galinier tirarieou pas l'estreno!
De longo coumo aquo se mi fouliet junar,
Mandarieou lou mestier mounte noun voou anar.
Mais, canailho, avèz bèou tenir la tèsto alèrto,
S'un jour doou galinier la pouarto isto dubèrto,
Tout li peto d'un cooup, poulos, capouns et gau,
Voueli fairé tlà lagas de sang dedins l'houslau.
Cènt pèr v'autreis, fa rèn; yeou mi n'en fau rèn qu'uno
Pèr vous faire sentir lou pes de ma rancuno.
Eh bèn! que diaz, leitours, d'aqueou Rèinard catieou,
Vous semblo pas qu'ausèz un home vengeatieou?
Uno sero, lou mèstre estèn à la gargoto
Aviet bèn tant begu qu'aviet pres la lignoto;