Télécharger au format pdf (2,6 Mo)

(Le Lion)
LIBRE XI
LOU LIEN
Autrèis fes sultan Leoupard,
L'esfrai de tout lou vesinagi,
Aviet mooutouns et buous dedins soun affenagi
Et nen fasiet gaire de part
Qu'à soun favourit lou Rèinard
(Pèr affamat que siet lou mèstre,
A sèmpre quauque espien de quu fa lou bèn-èstre.)
Pas luench doou Leoupard, la veouso d'un gros Lien,
Rèi d'uno terro,
Qu'èro mouart en fasèn la guerro
Contro uno pouderoue natien.
Qu'humano, crèsi, li disien, `
Venguet far sa jassino
Dins la fourès vesino.
Après lou premier coumpliment,
Coumo fan ourdinarimet
Lèis riches, lèis grands pèrsounagis,
Flategeaires dins sèis usagis,
Lou premier ministre Rèinard
Vèn, sur l'ordre doou Leoupard,
Et li dis: — Mounsignour, sabèz qu'ai de prudènço...
Seguissez moun cousèou, fasèz perir lou Lien
Dins sa jouvènço,
Avant que la dènt et l'arpien
Li crèissoun eme lou couragi.
— Ha vai! vai! respoundet lou mounarque sauvagi,
Soun paire es mouart, eou que fara?...
S'escapo bèn herous sera.
De longtèms n'avèm rèn à crèigne,
Es qu'un nistoun, avant que rèigne
Aurai bèllo lesir de mi nen apparar,
Pourrai toujours mi n'emparar.
— Aquoto es pas segur, rèspondet lou ministre,
Fasèz ce que vous dieou!... Mais lou sultan, Ladaud,
Feniant et tant-si-pauc brutau,
Lou mandet faire foume en disèn un gros filstre!
Et dourmet bèn tranquillamen,
Sènso vèire la mauparado.
Mais quand la forço au Lien siguet bèn arribado,
S'aviset qu'èro plus l'houro ni lou moument
D'arrestar la fam et la ragi
Doou jouve Rèi qu'aviet ounglouns, dènts et couragi
Pèr far tremoular soun vesin
Et pèr jitar l'espaime en toute la countrado,
Car èro un crucou cambarado.
Alors, doou Leoupard, tremoulan coumo un chin,
Lou ministre s'afllato et puis li parlo ensin:
— Se quand vous va disieou v'aguessiaz vougu faire,
Aujourd'hui fariaz pas sounar lou tocosan
De remèdi n'a ges, laissaz-lou sastifaire,