Télécharger au format pdf (2,6 Mo)

Dins lou tèms qu'Anetto pesquavo,
Et, pèr far pitar lou Pèissoun,
Li flèitavo aquesto cansoun:
Venèz, pichouis Pèis, venèz vèire
Lèis hueils d'Anetto; soun tant bèous
Que lusoun coumo un troues de vèire,
Et que fan venir rababèous
Lèis bèrgiers de nouestre villagi.
Anetto es la rèino dèis couars,
Ello encadeno lèis plus fouarts.
Quand aluquares soun visagi,
Seres bèn countènts d'èstre pres
E prochi d'ello restares.
Vous mettra de sa man doucetto
Dins un poulit pichoun barquieou,
Et seres plus herous que yeou;
Car, chasque jour, la bèllo Anetto
Vous jitara, pèr vous nourrir,
De pan, de biscuech, de barquetto...
Entandooumens mi fa mourir:
Voui, l'a que pèr yeou qu'es michanto!
(Eiço probo qu'un amouroux
Crèi que degun noou èstre heroux
Luench de la titè que l'encanto.)
Mais, lou Pastre aviet bèou cantar,
Bèou siblegear; la bèllo Anetto
Coumensavo de s'embetar;
Car, quand aussavo sa canetto,
Luego de vèire un Pèi au bout,
Li vesiet pèndre... rèn de tout
Que lou musclau, la ligno et l'esquo.
Dounc mandavo au diable la pesquo,
La fluito et la voix doou galant,
Qu'en flèitegean, en s'esquierlan,
Proun deja li fichavo un caire,
Et fasiet fugir lèis Pèissouns
Alors nouestre Bèrgier cantaire,
A la plaço de sèis cansouns
Si servet atun arret... bagasso!
Dins un moument aguet fach boou?
Et s'amuset plus, aqueou cooup,
Rèn qu'en de parpèllos d'agasso.
Aquo n'ensigno que souvènt
Lèis bèllis resouns sount que d'auro
Pèr lèis gèns à cèrvèllo pauro,
Et que tant n'empouarto lou vènt.
Tambèn, quand l'home es que de fango,
Avèz bèou li faire l'halango,
La forço li fa mai que tout,
L'a qu'ello que nen vèngue à bout:
Es lou bouen sèns que la reclamo.
Lou symphoni, quand es tèn bèou,
Attiro lou couaret l'enflamo;
Mais vesiet pas, lou gargamèou,
Qu'aquelis Pèis avien ges d'amo.
De certèns homes n'es ensin:
Pèr lèis gènts que dins soun escorço
Portoun uno amo de bachin