Télécharger au format pdf (2,6 Mo)

Ti metriam lou corps en doulios!...
Voulèz saupre pèrque Medor, lou paure Chin,
Si plagniet coumo aquo? — N'aviet plus ges d'oouriltos,
Soun mèstre tout bèou just veniet de lèls rougnar;
Et puis, eme la palo caudo,
Pèr lèis empachar de sannar,
L'aviet charma la plago en disèn: — Lou fuec saudo.
Jugeaz se tout aquo l'aviet fach reguignar...
Cresiet que l'anessoun couinar.
Medor, desoourilhat, couchat prochi l'escouto,
Aujavo plus sourtir, car aviet la petoue
Que cadun li fesse la loubo
Coumo à-n-aqueou Rèinard qu'aviet perdu sa quouet.
Mais, quand siguet plus grand, qu'anavo à la batèsto,
Alors s'atroubet bèn countènt
Que lèis maneyos de sa tèsto
Foussoun luenchos dèis cooups de dènt
(Chin verinous a pas souvènt
L'oourilho sano et bèn entiero).
Eme un coulas pouignènt dessus la gargatiero,
Mèdor, bèn que fouguesse et disputaire et glout,
Si fichavo dèis chins, meme doou plus gros loup.
Doou tèms que siam enfans, troubam la vido duro;
Et quand lèis mèstres, lèis parènts,
Voueloun castigar la naturo,
S'enrabiam, fèm de fuec dèis dènts.
Mais, puis, quand venèm dedins l'iagi,
Doou saber counèissèm lou près,
Et li courririam à l'aprés
S'eriam nistouns un segound viagi.
Mais, revènt pas plus lou bèou tèms!...
Adounc fau cativar l'enfanco;
Car uno brigo de souffranço
Li fa aver de moulouns de bèns
LÈIS PÈISSOUNS ET LOU BÈRGIER QUE JUGO DE LA FLUITO
(Les Poissons et Le Berger qui joue de La Flute)
Un d'aquellis Pastres manquas
Que Fountenèllo, Deshoulieros,
Et d'autrèis pouetos musquas
Fasien plagne dins lèis ourieros,
En brayos courtos, bèn viestis,
Roux coumo de poulets roustis,
Attrinquau sèis douis mans blanquettos
D'anèous d'or, de bellèis manchettos,
Countènts, tout lou franc dieou doou jour,
De cantar, de mourir d'amour,
Et de mouse lou lach de fedo
En gants blancs, en basses de sedo...
Un d'aquestis alèris, dounc
(Ero Tircis vo Couridoun),
Un cooup, long de l'aigo cantavo