Télécharger au format pdf (2,6 Mo)

Siguet bèn fourça de patir.
Alors qu'es que faguet: un jour, vesèn sourtir
Un Chambre, sur lou bord moute si pèrmenavo,
Li diguet: — Moun ami, vènes bèn à prepau,
Entourno-ti vite adavau
Pèr avertir lèis Pèis d'uno terriblo cavo:
Lou mèstre de l'estang dins douis jours pesquara,
Et Dieou sau coumo adoubara
Aquello mauheroue Pèissayo!
Digo-li, moun enfant, que sa vido gassailho
Et que l'a rèn de tant verai;
Mais que, se voou, la sauvarai.
Quand lou Chambre aguet dich, jugeaz de l'escaufestre!
Toutis cresien deja vèire venir lou mèstre
Eme lou capèiroun, lou gangui, lou musclau,
Et pèr sourtir d'aqui troubavoun ges de clau.
Courroun au Cormarin et li dien: — Que fau faire?
Vous que sias grand et vieilh, sauvaz-nous doou braffaire,
Vo senoun siam toutis perduts.
— Pèr èstre, fet l'ooussèou, fouesso mies escounduts,
Fau changear de pays. — Voui, mais n'autres, pecaire,
Li respouendoun, n'avèm ges d'alos ni de pèds.
— Eh bèn! vous pourtarai pauc-à-pauc, se voulèz,
Amount sur moun roucas s'atrobo uno aigo claro
Que lèis gèns an pas visto encaro;
Aqui l'home maudich vous vendra pas sèrquar
Et degun vous pourra pesquar;
Alestissèz-vous dounc, car fau partir tout-aro.
— Vive nouestre sauvaire! alors fan lèis Pèissouns,
Es lou milheou dèis bouens garçouns;
Luego de nous mangear, nous vèn sauvar la vido!
Alors esto natien ravido
Un pèr un si laisset pourtar,
Sènso poou de s'embaratar.
L'Escassier, lèis prenèn eme soun bèc de broquo,
Sènso lèis esquichar ni li faire de mau,
Lèis pourtet prochi soun houstau.
A la cimo d'aquello roquo
S'atroubavo un pichoun bassin
Clar, gaire founch, estrech, cavat pèr la naturo.
L'ooussèou pesquaire, en fèn ensin,
Pousquet prèndre à lesir sa fresquo nourrituro
Un après l'autre lèis manget
Et sènso peno s'engraisset.
Paure pople! souvènt t'an fach la meno cavo!...
Ti proumetien qu'auries tout ce que ti manquavo...
Tu ti siès laissa faire, et puis, quand t'an tengu,
T'an gaubegea coumo an vougu!
(L'Enfouisseur et Son Compère)
L'ACCLAPAIRE D'ARGÈNT ET SOUN COUMPAIRE
Un certèn vieilh Tailhur, à forço de coupar,
D'estreigne, d'escourchir, d'escavar vo d'apoundre,
S'èro soubra fouesso or et sèrquavo à l'escoundre;