Télécharger au format pdf (2,6 Mo)

Ligiet dins l'avenir la pèço que si jugo.)
Douis Canards, bouis enfants, li digueroun: — Misè,
Nous parèi, sur ce que disèz,
Qu'aimariaz de battre l'estrado;
Se voulès, vous carregearèm:
Digaz lou pays que v'agrado,
Catecan vous li pourtarèm.
Sènso entamenar vouestro bousso,
Aurem uno carreto douço:
Vague! —Toumboun d'accord. Sobran lèis dous Couels-verts
La laissoun un moument souletto,
Van au bouesc, coupoun uno bletto
Et li la passouu en travèrs
De sa bouquetto,
En li dian: — Tenèz, sarraz bèn
Et siguèz muto... Isso, partèm!
Aquo dich, lm de chasque caire
Empougnoun lou bastoun et lou sarroun bèn fouart
Dedins sèis pattos de vantouar,
Puis prènoun la voulado. En vesèn la coumaire
Qu'au bèou mitan de l'èr si bindoussavo ensin
Coumo un gros liame de rasin,
Cadan Gridavo: — Hai! venèz vèire!
Quu jamai v'auriet pousquu crèire?
Es uno fado, bèn segur,
Vo bèn la rèino dèis Tartugos!..
La vanitoue li crido, alors: — Sias pas mentur,
Sieou la rèino, es verai! —Mais: Malhur de malhur!
En parlan, durbe lèis petugos
Que la retènien au bastoun,
Et vèn en debanan toumbar sur lou testoun
D'un paure pitouet que badavo,
Bèn inoucènt dedins la cavo:
En arriban piquet tant fouart
Qu'ello s'espautisset et l'autre siguet mouart.
Un vieilh ditoun de la Prouvènço
Nous apprènd que troou parlar noui,
Et, pèr rimar, troou grattar coui.
Un bavard es plen d'imprudènco;
Glourivoux, voou far lou lingur
Et desgargailho soun bouenhur,
Mais, mauherousament, dins soun marrit affaire,
Embaragno souvènt soun vesin, vo soun fraire...
L'a rèn de piegi qu'un barjaire!
(Les Poissons et Le Cormoran)
Un Cormarin, grand fricoutaire,
Dins lou tèms de sèis jouinèis ans,
Sabiet tant bèn far lou pesquaire
Que desaviavo lèis estangs.
Mais lou vieilhugi fet que venguet court de visto,
Et pousquèn plus seguir lèis Pèissouns à la pisto,
LÈIS PEISSOUNS ET LOU CORMARIN