Télécharger au format pdf (2,6 Mo)

Fais-mi vèire ta quouet, vais-t'èn.
L'Aubre alors siguet pres pèr jugi;
Ha! n'en diguet bèn mai: — L'Home, aqueou vieilh secugi
M'a millo ooubligatiens, si vèn mettre à cubèrt
De la calour l'estieou, de la pluejo l'hivèr;
Si cauffo de moun bouesc, mangeo touto ma frucho;
Fa soun liech de ma fuilho èissucho;
Mèis flours l'embaimoun au printèms:
Et puis quand l'ai para dèis chavanos, dèis vènts,
Mi mando soun paysan: la picosso, la sèrro;
Dedins un virar-d'hueilhs, mi coupoun ras de tèrro.
Ingrats, rebroundas-mi, mi coupèz pas lou pèd,
Aurieou proun forço encar pèr vioure fouesso annados!
Mais l'Home es ensin fach, pèr rèn a de respèct!
Alors sadoul d'ausir tant de remouchinados,
Vouguèn pas aver tort, l'Home lèis fet taisar
En dian: — Sieou bèn bounias, yeou, de mi li fisar!
Lou plus fouart a resoun. Puis, contro la bastido
De la Sèrp et doou sac basselet tant et tant
Que la bèsti siguet quasimen espooutido.
Lèis grands seignours n'en fan autant:
La verita lèis facho, et si boutoun en tèsto
Que soun mèstres de tout, dèis bèstiaris, dèis gènts
Et de sèis bèns.
Se quauqu'un, pèr parlar, despatèllo lèis dènts
Dien qu'a tort: es verai... Mais dounc que parti rèsto,
Pèr fin de si pas expoousar?...
Jappar de luench, vo si taisar!
(Le provençal n'a que dix vers de plus que le français de La Fontaine.)
(La Tortue et Les Deux Canards)
Uno Tartugo à tèsto fouelo,
Lasso d'istar dedins soun trauc,
Un jour diguet: — Que vido mouelo!
Fau viagear... Viguèm un pauc:
— Enginem-si, d'abord, pèr aver l'aquipagi...
L'a tant de gèns que l'an, de haut, de bas estagi,
Meme de gardaires d'aver,
Que yeou lou pouedi bèn aver.
Après ce que vesèm n'es pas bèn dificile,
Meme l'argent es inutile,
Vous fan crèdi. Croumpaz carrosso et bèou chivau,
Fèz petar vouestre fouit, courrèz d'amount, d'avau,
Fasèz lèis farluquets, v'arrouinaz en ripailho...
Puis vendèz lou chivau pèr li croumpar de pailho;
Puis l'hussier vous courre à l'aprés,
Prouvesit d'un mandat d'arrèst,
Vous seguisse pèrtout, vous cougno;
Puis la justici vous empougno
Et vouestre bouenhur es gauvit...
Mais que fa... noun avèz joui!
(De l'entèndre, diriaz que Misè la Tartugo
LA TARTUGO ET LÈIS DOUIS CANARDS