Télécharger au format pdf (2,6 Mo)

Lèis homes, subre tout, siaz toutis de marrias;
Entre v'autres vous fèz la guèrro,
La fèz èis animaus; puis, quand si defendèm,
Vous plagnèz que pougnèm, escarpinam, mourdèm.
Se voues, mi pouedes tuar, sabi que ta justici
Es rèn que toun besoun, toun plesi, toun caprici,
Sur d'aquo mi vas coundamnar;
Mais, d'avant que m'assassinar,
D'avant que ma pèou si devire,
Douno-mi lou tèms de ti dire
Que lou patroun dèis couars ingrats
Et lou piegi dèis scelerats
Es l'Home et noun La Sèrp. En ausènt soun lingagi
L'Home siguet capot et reculet d'un pas
En si boutan lèis mans au las.
A la fin li faguet: — Ce que dies es pas sagi.
Se voulicou, jugearieou l'affaire, entandooumens;
Mais ti vau far vessar la mesuro, pas mens:
Faguèm va decidar. — Voneli bèn, fet la bèsti.
Uno Vaquo èro aqui, la souneroun, venguet,
Li counteroun la cavo, et su lou cooup diguet:
L'a rèn de plus aisa, qu'es besoun que v'attèsti?
Yeou vous cacharai pas que la Sèrp a resoun.
L'Home, l'a bèn longtems déja que lou nourrissi!
Lou sero et lou matin, dedins touto sesoun,
Va sau, manqui jamais de li rendre servici.
Moun trabailh, mèis vedèous li dounoun cènt proufits,
Quand revèn doou marca n'a lèis boussouns caffits.
L'ai gari de moun lach, quand, malaut de vieilhugi,
Aviet l'ooupilatien doou blesquin et doou fugi:
Fau tout pèr countentar soun plesir, soun besoun;
Aro sieou vieilho... Eh bèn!.. mi laisso en un cantoun,
Sènso rèn pèr mangear. Se mi laissavo paisse,
Aumens... Mais noun, m'estaquo et fau qua l'er m'engraisse.
Se pèr mèstre avieou qu'uno Sèrp,
Mi fariet pas vieoure de l'èr,
Auriet mai de recounèissénci.
Adieou-sias, v'ai dich ce que pènsi,
Et vous v'ai dich bèn franquament.
L'Home, tout espantat d'aquestou jugeament,
Diguet: — La fau pas crèire, es qu'uno vieilho masquo,
Fa rén que repepiar, vèn de dire uno nasquo.
Sounem aquestou Buou, dira mies lou verai.
— Vène, Buou, dis la Sèrp; ce que diras crèirai.
Lou Buou, balin-balan, vèn coumo un soungeo-fèsto.
Quand aguet bèn roumia l'affaire dins sa tèsto,
Diguet: — Voui, dèis trahailhs doou camp
Pèr vautrèis subissèm la peno;
Enterin quand la grangeo es pleno
De recordos, l'Home michant
Nous douno pèr faire ripailho,
Fouesso cooups, d'aigo eme de pailho,
Et puis, quand si fèn vieilhs, crèi de nous mettre eis nieous,
En dounant nouestre sang pèr calignar sèis Dieous.
Alors l'Home diguet: — Fau mai qu'aqueou m encagne!
Isto en uno, vais-t'en subran, gros barjairas;
T'ai pas dich de venir pèr far tèis embarras;
En plaço de jugear, parles que pèr ti plagne:
Mi mesfisi de tu, tambèn,