Télécharger au format pdf (2,6 Mo)

De soun sicau fan rèn, l'estinct soulet lèis guido;
Pèr elis tout fenisse après aquesto vido;
Car, s avien l'amo à rescatar,
Auriam tort de lèis sagatar
Pèr nen far nouestro nourrituro,
Nouestre viesti, nouestro belluro...
Qu'es besoun de va countrestar!
Aquo repugno à la naturo,
Seriet contro la lèi de Dieou:
Es ensin que va crèsi, yeou...
Adounc la cavo es messoungiero.
Mais, fèm jugar lou tandigam
Que la fablo siet vèrtadiero:
Estèis Garris an fach un plan
Que li sèrve à fichar lou camp;
Dounc lou bestiari si demeno
Pèr sauvar soun bèn et sèis jours.
Es ce que m'estouno toujours
En vian lou trin que l'home meno:
Souvènt es dins un grand dangier
Pèr soun bèn, soun hounour, sa vido;
Maugra que lou bouen sèns li crido:
Que fas?... Siegues pas tant loougier!
Sèmpre sa counducho es marrido...
Avèz bèou dire, vous coumprènd
Que quand es au bout, qu'a plus rèn!
La mouralo nous asseguro
Que l'home a la tèsto bén duro!
(L'Homme et La Couleuvre)
L'HOME ET LOU CALOBRE
Un Home rescountret sur sèis pas uno Sèrp
Qu'en s'envirautan l'aluquavo:
— Ha! maudicho, li fet, bestiari de l'infèr
Espero, vau faire uno cavo
Que tout lou monude approubara,
Et que cadun m'en lausara.
Alors l'animau plen de vici
(Vous parli de la Sèrp, au mens, vous avèrtissi,
Et noun de l'Home: es que vous pourriaz bèn troumpar);
Adounc la Sèrp si laissan arrapar,
Nouestre home la boutet dins lou sac que pourtavo
Et l'anavo ensuquar, qu'aguesse tort vo noun.
Pas mens,pèr far semblan d'aver quauquo resoun,
Li parlet coumo èisso, doou tèms que l'estaquavo:
— Patroun dèis couars ingrats, verinous animau!...
Faire de bèn en quu fa mau
Es la counducho d'un gournaud;
Tambèn ti voueli tuar; tèls dènts ni ta malici,
Quand seras mouart, jamais mi pourran agantar.
Alors la Sèrp. pèr l'arrestar,
Dins sa lingo li fet: — Se fouliet tuar lou vici
Pèrtout mounte s'atrobo, en quu pardounariaz?
Tout lou mounde es ingrat dessus d'aquesto tèrro;