Télécharger au format pdf (2,6 Mo)

Quand, souvènt, manquavo un tailhoun
De lard, de viando ou de froumagi,
Finqu'au plus pichot anchouyoun,
Roumiau aviet fach lou dooumagi:
Enfin, èroun doux maufatans;
Mais, lou piegi dèis charlatans
Ero Makaquo lou finocho:
Fasiet sèmpre quauquo nicrocho
A Roumiau, qu'èro pas taut fin.
(Enco de l'home es bèn ensin!
Se viaz douis cassaires de pocho
N'a toujours un qu'es plus bregand:
Taus Roubèrt-Maquari et Bèrtrand.)
Un bèou jour que la cousiniero
S'èro vougudo regalar,
Car èro un pauc controbandiero,
Aimavo bèoure et goudiflar
Quand Madamo èro pèr carriero
(Et n'ero pas dins aquel art
La premiero ni la radiero!)
Fauto de sartan castagniero,
Aviet acclapa dins lou fuec
Uno trènteno de castagnos,
D'aquelis bèllos dèis mouatagnos.
D'Aquoto eme un pauc de vin cuech,
— Disiet, pusque vhui sieou souletto,
Et que Madamo, linqu'à nuech,
Fa sa poulido partidetto,
Yeou doou tèms farai la goustetto.
(La groumando! Aquoto èro un fuec
Que l'aviet laissa la gouttetto!)
En espéran, èro adamoun
Que charravo eme la vesino
Entanterin, à la cousino,
Makaquo eme l'autre demoun,
Per faire enrabiar la lipetto,
Proufitavoun de l'ooucasien,
Et vèicito ce que fasien:
— Malan! Roumiau, s'avieou l'arpetto
Autant adrecho que la tieou,
Disiet Makaquo, assajarieou,
Pèr countrestar Misè Rousetto,
D'estraviar tout lou recalieou
Et d'espooutir la castagnado:
Segur qu'auriet bèllo laignado!
Tant-fa-tant-va, subran Roumiau,
Sur d'aqueou discours plen de frimo,
Mando la patto, ai! ai! si rimo
Et trobo lou fuech fouesso caud!
Mais Makaquo, à la vouas flattiero,
Li fet tirar, maugra lou mau,
La castagnado touto entiero,
El l'empassavo dins lou trauc
Que li disèm la gargatiero.
D'aqueou moument, la Cousiniero
Quc veniet per lipetejar,
Parèisse, et vis harpatejar
Lèis voulurs d'aquesto maniero.
Makaquo, en l'aluquan venir,