Télécharger au format pdf (2,6 Mo)

Eis bassets maladits que mi courroun après.
Sabèm que pèr raubar tu sies plen de finesso;
Mais, pèr ti sauvar, sabes rèn
Que grattar pinedo en courrèn.
Encaro ti fau la jouinesso,
Car, quand sies vieilh, cadun ti prend.
Lou Gat respoundiet pas, soungeavo,
Fasiet lou mato, entrerisiet
De ce que lou Rèinard disiet.
Un escaboue de chins qu'en courrèn s'approuchavo
Lèis faguet changear de discours.
Lou Gat dis au Rèinard: — Anèm, sèrquo tèis tours,
L'ooucasien si presènto bèllo.
La veses aquesto sequèllo?
S'agisse pas de s'encalar
Quand jappo la raço maudicho:
Despachèm-si, lou dangier quicho.
Alors eou fa qu'un bound, coumenco d'escalar
Sur lèis branquos d'un rouve et si quilho à la cimo.
Lou Rèinard faguet cènt countours,
Cènt vai-et-vèn et cènt destours.
Mais siguet pres et fet l'artimo.
Lou cassaire et lèis chins lou furneroun pèrtout;
L'estubado et lèis dènts nen vigueroun lou bout.
Dins un affaire
Pèr pas mautraire,
Vau mies un soulet bouen mouyèn,
Que trènto-sieix que voueloun rèn.
(Le Trésor et Les Deux Hommes)
LOU TRESOR ET LÈIS DOUS HOMES
Un libèrtin pauras qu'aviet tout estravia
Et mangea soun fresquin; car èro un desaviat,
Jugaire, farluquet, groumand coumo uno mino;
N'ayèn plus rèn que siet, pas meme un viestiment,
(Adounc bèn dispensat de faire un testament),
Estèn toumbat dins la famino,
Decido de si pèndre: (aqueou paure gournaud
Cresiet qu'es tout feni qùand siam dedins lou trauc!)
Prènd uno courdetto? l'engraisso,
Puis, sènso coumandar sa caisso,
Enrego, dins lèis camps, un pichot bastidoun,
Casau tout desglenit d'un avare barboun.
Intro dins aquello masuro
Qu'atrobo cadaulado, et si mette en mesuro.
Mais, coumo mandavo la man
Pèr passar la courdetto autour d'un caramau,
Sente quauquarèn que roudèllo
Et que toumbo a sèis pèds: qu'èro?... un sac de louis d'or!...
S'aviet vist tolmlbar quauquo eslèllo,
Auriet pas tant bada; l'arrapo tout d'abord,
Bèn esmerevilhat, lou cargo sur l'esquino,
Et s'enva countuniar sa vido libèrtino,