Télécharger au format pdf (2,6 Mo)

Ensin fan au palais: lou paure plèidejaire
Que trèvo dins de taus quartiers,
Li mangeoun soun fresquin, sèis bèous escus,pechaire
Et li dounoun... que de papiers!
(Le Loup et Le Chien Maigre)
LOU LOUP ET LOU CHIN MAIGRE
L'a quauque tèms qu'ai dich èis homes que soun glouts:
— Quand lou bouenhur es à la pouarto
Proulitaz-nen, despachaz-vous,
Se noun s'esvarto et l'èr l'empouarto.
Bèn que d'aquestou tèms l'home ague pas besoun,
Per bèn saupre arrapar, de mai d'uno liçoun
(Car es toujours troou fouart pèr prèndre,
Mais, noun pèr réndre);
Entantou vous voueli countar
Lou tour qù'un maigre Chin, finet, a sachu faire
A-n-un Loup qu'èro pas bèn laire
Et que lou veniet d'agantar
Vèirez que d'aujourd'hui si n'atroubariet gaire
D'aquellis Loups farots, que furnoun de tout caire
Pèr fin de vous embaratar,
Que si laissessoun embastar
L'affaire!...
Quand tènoun quauquerèn va voueloun plus quittar,
Aquo li ficho un caire;
Atou, se li parlaz de rèndre ce qu'an pres,
Dien coumo en Avignoun: — Quau demandas?... i’a res.
Basto... Parlem d'Azor, qu'èro un finet coumpaire.
Un Chin connvalescènt, sec coumo un troues de houesc,
Qu'aviet santaliment que la pèou sur lèis oues,
N'es plus coumo èro aqueou d'antan,
Et que souvènt si fa maudire...
Ato! se mi nen disèz tant,
Fau que ma miso si retire
Mi fèz cailliar..., car entendieou
Lou juste mitan doou bouen Dieou.
Pèr l'autre, m'en méli tant gaire
(Que, ma fisto, l'entèndi rèn;
Aussi, nen fau pas moun affaire
Et se voulèz s'en taisarèm.
Laissaz-mi vous dire uno fablo
Qu'enseigno à tout home, que fau,
Pèr que sa vido siet lausablo,
Faire en tout jamais rèn de troou.
Gaire de tèms après aver pasta la tèrro,
Lou Seignour s'aviset que touis lèis samenas
Crèissien bèn tant espes que si fasien la guèrro,
Si suçavoun la sabo et venien mau granas.
Alors Eou pèrmettet que lèis mooutouns l'anessoun
Pèr li levar l'ourgueilh que lèis nequelissiet;
Mais s'en manquet de rèn que noun lèis acabessoun
Et feroun fouesso mai que ce que s'agissiet.