Télécharger au format pdf (2,6 Mo)

Que li farèm!!!
Quand un homme qu'a bèou visagi
Mi barjo coumo un darnagas,
Aimarieou mies un bèl èimagi...
Aumens aqueou parlariet pas!
L'ESCOULIER, LOU LETTRUT LINGAUD ET LOU JARDINIER
(L'Ecolier, Le Pédant et Le Maître d'un Jardin )
Dins un jardin fruchier, flouristo et poutagier,
Que fatturavoun bèn, un pichoun mèrdacier,
Quasi toulis lèis jours, en sourtèn de la classo,
D'un trauc de la baraigno intravo, lou bagasso,
Et dins un vira d'huilh fasiet millo malhurs:
Ero lou plus fenat, lou plus fin dèis voulurs
(Bèn que la raço siet noumbrouso et fouesso habilo).
Guèiravo lou moument que lou mèstre èro en villo,
Vo bèn que dins lèis camps sourtiet pèr trabailhar;
Alors, sachèn lou truc, anavo rabailhar,
Trapegeavo pèr tout, mangeavo, derrabavo,
Emplissiet bèn soun sèn et puis si l'accroumpayo.
Lou mèstre charpinavo en vesènt lou degailh
(Aquoto èro pas fach pèr lou rèndre bèn gai).
Dessoutet soun tran-tran, un jour. De guèrro lasso
L'estaquo au pèd d'un aubre et courre vèrs la classo;
Atrobo l'escoulian et li conto lou fêt.
— Monsieur, je suis à vous; vous avez fort bien fait,
Li dis lou magistè d'uno mino capablo;
Toute propriété doit être respectable.
Je veux morigéner ce petit polisson;
En présence de tous lui donner la lecon,
Et lui faire sentir, malgré les lois de Sparte,
Que tout homme, morbleu, doit respecter la Charte.
Aquo dich, prènd la priso, accampo cènt enfants,
Que toutis, pauc-vo-proun, èroun de maufatans,
Et courron à l'endrech ounte lou pichoun diable
Fasiet touis sèis esforts pèr far petar lou cable.
Arriboun; la sequèllo intro dins lou jardin,
Et, pèr escalustrar nouestre pichoun mastin,
Lou magisté l'arrambo et li fa sa rebriquo
Facido de latin, de grèc, de rethouriquo,
Mounte cito Mouïso et Solon et Cujas.
Mais, l'ase! aviet ferma lou loup dedins lou jas.
Ganachet tallamen, diguet tant de bestisos,
Que lèis cènt desavias mangeroun lèis cerisos,
Derraberoun lèis flours et lèis fruts un pèr un,
Despoudereroun tout, houte, bouteroun tout en frum.
Lou paure jardinier, que nen pèrdiet la tèsto,
A la fin li diguet: — Fès-nous quiti doou rèsto!:
Barjaire! sènso vous aurieou fouesso mies fach
De cing lar lou voulur pèr punir soun mau-fach
En dian vouestreis grands mots cresèz faire l'empèri?
Avèz proun bavarda, fichas lou camp, arlèri!
L'a degun, segoun yeou, de plus sot qn'un pedant:
Eme sèis si, sèis mais, sèis car, sèis cependant,