Télécharger au format pdf (2,6 Mo)

Messies, countentaz-v'en, es aquelo à la molo.
Aném, despachaz-vous, n'avèz rèn vist d'ensin.
Anez pas deDailhar vouestre argènt au vesin;
Lou Singe, es un goujard, uno laido bagasso,
Sèmblo qu'un estoupin, uno salo radasso.
Yeou, quau m'aluquara segur sera countènt;
Intraz, intraz, Messies, plagnirez pas l'argènt.
Alors la Macaquo cridavo
A la fogo que regardavo:
— Sieou pas bèou, Messies, es verai,
Mais, boutaz, vous agradarai;
Atroubarez dedins ma visto
De longo quauque engien nouvèou
Qu'espelira de moun cèrvèou.
V'en pouedi pas dounar la listo,
Car yeou meme va sabi pas;
Aquo vendra segoun lou cas
(L'esperit ven pas de coumando);
Mais sequr serez espantas
Quand farai, sur vouestro demando,
De tours qu'esmerevilharan
Lèis curieous que m'aluquaran.
Farai de passos
D'escamoutur.
Et de grimaços
Que, bèn segur,
Vous faran rire
A pèrdre halèn:
Mais n'es pas rèn
De vous va dire;
Quand va vèirez
Vous va crèirez.
Es verai que ma raubo es bruto et pas bèn facho;
Aquo fa rèn, car de l'endret
Sieou l'animau lou plus adrech.
Se quand vèirez mèis tours, ma facho,
Vouestro joyo, Messies, s'atrobo sastifacho,
En meme tèms
Serem countènts.
Touto la foguo, en passant, aluquavo
Lou Leoupard; mais l'anet rèn qu'un cooup,
Et cadun li dounet qu'un soou,
Car n'aviet que sa pèou toujours la memo cavo.
Semblavo cèrtèns muscadins,
Bèous defouero et bèstis dedins.
Entandooumens lou Singe aguet tout l'avantagi,
Anavoun pèr despiech vèire sèis nouvèous tours:
Sa danso, sa magagno et soun escamoutagi
Li fasien la toumbado, et l'aviet touis lèis jours.
Lou public d'aqueou tèms sabiet rèndre justici
En quu de dret:
Lou Singe aviet de biais, de talèns, de judici;
Puis èro adrech;
Tambèn faguet fourtuno, et soun vesin, pecaire,
Qu'èro un darud
Viestit coumo un signour, et que sabiet rèn faire
Qu'un pauc de brud,
Restet sènso chalans: sa raubo à grand paparri
Sèrvet de rèn:
A l'houro d'ooujourd'hui si vis tout lou countrari...