Télécharger au format pdf (2,6 Mo)

Un pichoun gibouset, pecaire,
Qu'ero assetat de l'autre caire,
Ausènt ce que Thoumè disiet,
Si truffavo d'eou, n'en risiet,
Et li faguet: — N'avez dich qu'uno,
Mais es plus grosso que la luno.
Es bèn fach tout ce qu'a fach Dieou?...
Alors, qu'es que direz de yeou?
Sieou troussat coumo une aumarino,
Ai l'agassin darnier l'esquino,
Et sieou pas plus haut qu'un caulet..
Mi trouvaz bèou?... siaz lou soulet!
Thoumè s'applanto, lou regardo,
Et puis li dis: — Mais, prends-ti gardo,
As tort d'estre pas sastilach,
Car pèr nn gibous sies bèn fach
Vous dirai plus qu'uno paraulo,
Et puis mi bouti la cadaulo:
Lou Cèl dins sa bounta nous acclapo de bèns,
Mais siam de sacs mau plens, renam, siam pas countents;
Segoun nouestro embitien, abrado et jamais lasso,
Voudriam que lou Signour nous cedesse sa plaço.
Et s'auluego de Dieou n'autres gouvèrnaviam,
Ho! que jambaraya, pecaire, que fariam!...
Fraires, diguèm-li dounc, en clinan nouestro facho:
— Que vouestro voulounta siet facho!!!
(Le Singe et Le Léopard!)
LOU SINGE ET LOU LEOUPARD
La Mounino et lou Leoupard,
Un an, vengueroun à la fiero;
Prengueroun sur la Canebiero
Cadun une barraquo à part.
Et puis, quand veniet la vesprado,
Fasien touis doux grando parado
Pèr sambejar de tout coustat:
Avien la jierousie d'état.
(Meme trafic, dins estou mounde,
Fa lèou que l'amitié si founde:
Si fan bèou-bèou, mais enterin
Cadun voou l'aigo à soun moulin.
Adounc lou Leoupard disiet dins soun halango:
Intraz, intraz, messies, es l'houro et lou moument;
— Van far l'esplicatien; vèirez moun viestiment;
Ai l'habit bèn courous et pas counchat de fango.
Un grand prince m'a vist et voou, quand serai mouart,
Que li gardoun ma pèou que fa parèisse fouart.
Ma pèou fa gau de vèire, es touto chimarrado;
Ai, coumo un moussurot, la gruillo bigarrado,
Moustachou, longs ounglouns... parli gaire, es verai;
Mais rèn qu'en proumenan segur v'amusarai.
Bessai qu'atroubarez ma scienci bèn coumodo...