Télécharger au format pdf (2,6 Mo)

Et lou manget subran. — Anen! fet lou vesin,
Coumo voulèz qu'un gat mange un enfant ensin
Qu`aviet déjà. sèpt ans? — Faut pas qu'aquo v'estoune,
Li fet l'autre, et faut bèn que la Naturo doune
Fouesso de forço au gat, pusqu'es vingt cooups plus fouart
Qu'un garri qu'a trauqua moun espes coffre-fouart
Doublat de ferri noou, puis rouiga ma fourtuno.
Lou voulur, tout capot, en nen bouffant plus uno,
L'anet quèrre soun coffre: alors l'autre, pas sot,
En lou remouchinan li rendet soun pichot.
Un messoungier d'uno autro espèço,
Espèci drolo, à moun avis,
Un jour disiet: — Messiès, ai vist
Un caulet, la plus bèllo pèço
Que grilhe en taulo de caulet;
Crèsi bèn qu'èro lou soulet
De sa tailho: ho! que merevilho!
Gros coumo un dèis aubres doou Cours
Que l'autourita de Marsiho
A derrabas l'a quauquèis jours.
Pèrceque l'oumbro dins la villo
Es verinoue pèr la santa,
Puis, qu'es uno cavo inutilo.
(Bèn qu'aujourd'hui n'an mai planta.)
Un farçur que l'entendiet dire
Li fet, sènso esbrouffar lou rire,
Bèn que n'aguesse de besoun:
Moun ami, crèsi qu'as resoun.
Yeou m'an fach vèire uno pignato
Bèn plus grosso qu'uno fregato,
Et que bouilhiet de pèr dabas
Rèn qu'em'un pichoun bèc de gaz.
Coumo lou mentur si viravo
Pèr fin de desmentir la cavo,
Lou farçur en riant li diguet:
— Li feroun couire toun caulet.
Es ensin que fau sèmpre faire
Quand un mentur vous ficho un caire.
L'a douis sortos de messoungiers:
Un talounaire; sa messongeo,
Es de longo sènso dangiers;
Aqueou dins sa tèsto si songeo
Que s'aviet de sincerita
Foudriet que paguesse uno lèbre,
Vo bèn qu'agantesse la fèbre:
Tambèn dis ges de verita.
L'autre es un franc gusas, un laire,
Que souvènt arrouino soun fraire
En negant ce que l'a presta.
Dins la premiero Republiquo
Si n'es vist dins touis lèis partis
Qu'èis paurèis gènts qu'èroun partis
Negueroun tout... maudicho cliquo!
Marrias qu'an tout accaparra!
Aurien merita la galèro....
Mais, que mi vau mettre en couléro!...
Tard vo tèms Dieou lèis pagara...
La burlo la plus pardounablo