Télécharger au format pdf (2,6 Mo)

Et puis dins quauque tèms fan coumo la canailho,
S'escoundoun, van couchous et si lèvoun d'avant.
La prudènci nous dis: — Ti laisses pas sousprèndre,
Coumpanegeo-ti bèn avant que d'entreprèndre!
(Le Dépositaire Infidèle)
FIN DOOU LIBRE VIII.
LIBRE IX
LÈIS MESSOUGIERS
Un negouciant, un jour, en si boutan en viagi,
Counfiset bouenanient em'un de sèis amis
(Ami coumo n'a tant dins toutis lèis pays,
Que d'embular lèis gèns si fan un badinagi);
Li laisset entre mans un couffret bèn fèrrat,
Caffit de pèços
De fouesso espèços,
Pèr que finqu'au retour lou tenguesse ensarrat.
Parèi que d'aqueou tèms trafegavoun pancaro
Coumo fan aujourd'hui (car vous parli d'antan);
Aro, aqueou qu'a d'argènt lou vanégo bèn tant,
Nouestro generatien es tallament avaro,
Que lèis paurèis escus trabailhoun nuech et jour,
Piegi que dins lèis camps lèis bèstis de labour...
Revenèm: quand nouestre home a fini soun affaire,
S'entourno à soun pays, va troubar soun gardaire
Et li dis: — Dieou s'assiet! rendèz-mi moun argènt.
— Vouestre argènt? li fa l'autre, ha! serez pas countènt
Quand vous dirai lou tour: I'avieou mes dins la croto
(Aquo despui d'un mes dins ma cèrvèllo trotto),
De garris soun vengus d'un trauc de la paret,
An bèn tant fourgouna qu'an rata lou couffret
Et puis uno après l'autro an rouiga cado pèço;
Ha! jamais s'éro vist uno pariero pèço!
Nen sieou fachat pèr vous, mais aquoto es ensin.
Lou bounias, en ausèn soun laire de vesin,
Fet semblant de va crèire et nen bouffet plus uno;
Car dedins aqueou viagi aviet fach sa fourtuno
Et n'aviet pas besoun. Au bout de quauquèis jours,
Vis l'enfant doou voulur, li semounde de flours
De rins, de barlingots, en li disènt: — Tè, vejo,
Vène, t'en dounarai...! Li fet venir l'envejo.
Lou pitouet qu'èro glout intret dedins l'houstau
Et l'home, catacan, l'estremet souto clau
L'endeman de matin s'en va troubar lou laire,
Lou counvido à dinar. — Vous remarcieou, pecaire,
Li dis l'autre en plouran, ai perdu monn pitouet,
L'ai champèira pèrtout, n'ai vist un escaboue,
Mai lou mieou l' èro pas: ô sort abouminable!...
(Ensin dins lou malhur lèis gus prègoun lou diable)
Alors lou negouciant li dis: — Avèz resoun,
Vouestro laigno es bèn justo; ai vist vouestre pichoun
Que fasiet sèis besouns ahier lou sero, au barrri;
Un gat qu'èro affama l'agripet coumo un garri