Télécharger au format pdf (2,6 Mo)

L'autre, entarin, lou plus souvènt
Au bout de dèx ans s`en souvèn.
(Les Deux Chiens et L'Ane Mort)
LÈIS DOUIS CHINS ET L'ASE MOUART
L'a degun de coumplit, cadun a sèis defauts:
L'home riche es glourious, sujet à l'avarici;
Lou paure, bèn qu'hoounèste, a souvènt la malici,
Si plagne que lou riche es l'autour de sèis maus;
Lou Gat sèmblo un santoun, pamens es plen de vici;
Lou Chin, qu'es lou milheou de touis lèis animaus,
Es affamat, groumand, si plai dins la brutissi...
L'a degun de coumplit, cad a sèis defauts.
Pusqu'ai parla doou Chin, de sa fam gloutouniero,
V'en vau dire uno fablo; es qu'uno messoungiero
Qu'ai presso à moun autour; mais douni pèr segur
Que, se soun conte es un craquur,
Sa mouralo es bèn vèrtadiero:
Douis Chins, enrabias de la fam,
Sur la ribo d'un grand estang,
Guètravoun èila luench, à la cimo de l'aigo,
Un Ase qu'éro rnouart. — Qu'es aquoto, èilavau,
Dis un dèis bramo-fam, un moutoun,un chivau?
— Que que siet, voudra mai qu'un soou de bourtoulaigo,
Fet l'autre abrasamat; vène lèou, nedarem
Et bèn segur l'agantarem.
— Noun, li fa lou premier, vies pas? Lou vènt l'empouarto,
Auriam bèllo à nedar, toujours s'alunchariet.
Et quau diable l'agantariet!
Se ti sèntes d'aver la tripailho proun fouarto,
Beourem touto aquello aigo et lou mettrem à sec.
Pèr yeou mi sènti bèn tant set
Qu'empassarieou l'estaug rèn que d'uno gourado.
— Yeou tambèn, coumencem, dis l'autre cambarado
Mais, digo, farem de travès;
Quand avèz bèn bouffa, de coustumo, buvèz;
Et n'autres coumençam. — Quelifa, rèsto à-uno;
S'un cooup lou poudiam arrambar,
Aumens pèr vuech grands jours auriam nouestro fourtuno.
Et, coumo que faguèm, tout es de l'arrapar.
Anem, boutèm-s'en trin, coumencem nouestro etapo.
Alors, vague de beoure! Isso, avant, lipo, lapo!...
Si gounfleroun coumo douis boucs;
Mais l'estang li manquavo à peno douis degouts
Que n'avien dejà troou: gagneroun ges d'avanço,
Et si feroun petar la panso,
Pèr ce qu'èroun istats troou glouts.
Vevaqui ce qu'arribo èis gèns à tèsto fouello
Que s'estiroun plus lunch que sèis pichots mouyèns:
Voueloun bèoure la mar, voueloun mangear la couello;
Si crèsoun d'arrapar la luno eme lèis dènts.
Caminoun de plegoun, jamais rèn lèis esfrayo:
Diriaz que soun courdiers, guèiroun pas mounte van;